കുവൈത്ത് സിറ്റി: സ്വദേശിവല്‍ക്കരണം ശക്തമാക്കുന്നതിന്റെ ഭാഗമായി നിര്‍ണായ നടപടിക്കൊരുങ്ങി കുവൈത്ത്. തൊഴില്‍ വിപണിയില്‍ വരുത്തേണ്ട മാറ്റങ്ങള്‍ക്കായി രാജ്യത്തെ വിദ്യാഭ്യാസ പ്രക്രിയയെ ആധുനികവല്‍ക്കരിക്കുന്നതിനുള്ള ശ്രമങ്ങള്‍ സര്‍ക്കാരും ധനകാര്യ മന്ത്രാലയവും നിലവില്‍ ഏകോപിപ്പിച്ചുകൊണ്ടിരിക്കുകയാണ്.

കുവൈത്തി യുവാക്കള്‍ക്ക് പ്രത്യേക പരിശീലനം നല്‍കുന്നതിനും തൊഴില്‍വിപണിയിലെ പ്രധാനപ്പെട്ട മേഖലകളില്‍ പ്രവര്‍ത്തിക്കാന്‍ അവരെ യോഗ്യരാക്കുന്നതിനുമായി പ്രത്യേക കേന്ദ്രങ്ങളും അക്കാദമികളും സ്ഥാപിക്കും. നന്നായി നിക്ഷേപിക്കേണ്ടതിന്റെ ആവശ്യകതയെക്കുറിച്ച് ഇരു പാര്‍ട്ടികളും സമ്മതിച്ചതായി വിശ്വസനീയമായ വൃത്തങ്ങള്‍ പത്രത്തോട് പറഞ്ഞു. ജനസംഖ്യാ ഘടന മാറ്റുന്നതിന് ഈ നടപടികള്‍ വളരെയധികം സഹായിക്കുമെന്നാണ് സര്‍ക്കാര്‍ കരുതുന്നത്.

സ്വകാര്യ മേഖലയെ ശക്തമായി പിന്തുണയ്ക്കുകയും രാജ്യത്തെ പ്രധാനപ്പെട്ട മേഖലകളില്‍ നിക്ഷേപകരെ ആകര്‍ഷിക്കാനും അതുവഴി സമ്പദ്‌വ്യവസ്ഥയ്ക്ക് നേട്ടമുണ്ടാക്കാനാകുമെന്നാണ് സര്‍ക്കാര്‍ വിശ്വസിക്കുന്നത്. 

ബിരുദധാരികള്‍ക്ക് ജോലി ലഭിക്കാത്ത പ്രശ്‌നങ്ങള്‍ പരിഹരിക്കാന്‍ നിലവിലുള്ളതും ഭാവിയില്‍ നടപ്പാക്കാന്‍ പോകുന്നതുമായ നിരവധി പദ്ധതികള്‍ ഗണ്യമായ സംഭാവന നല്‍കുമെന്നാണ് സര്‍ക്കാര്‍ കരുതുന്നത്. ആഗോള രാഷ്ട്രീയ, സാമ്പത്തിക സംഭവവികാസങ്ങള്‍ എണ്ണവിലയെ ബാധിക്കുന്നതിനാല്‍, സമ്പദ് വ്യവസ്ഥയുടെ സ്ഥിരത ഉറപ്പാക്കുന്നത് അത്യന്താപേക്ഷിതമാണ്. 

സര്‍ക്കാരുമായുള്ള സഹകരണത്തിലൂടെ, സ്വകാര്യ മേഖലയെ സജീവമാക്കുന്നതിനും മേഖലയുടെ കാര്യക്ഷമത വര്‍ധിപ്പിക്കുന്നതിനുമായി മന്ത്രാലയം 2025/2026 ബജറ്റില്‍ നിരവധി പദ്ധതികള്‍ ഉള്‍പ്പെടുത്തിയിട്ടുണ്ട്. ഇതിനുപുറേമ 2026/2027 ബജറ്റിലും കൂടുതല്‍ പുതിയ പദ്ധതികള്‍ ഉള്‍പ്പെടുത്തുമെന്നാണ് സര്‍ക്കാരിനോട് അടുത്ത വൃത്തങ്ങള്‍ പറയുന്നത്. 

ഏഷ്യയിലെ മുന്‍നിര കായിക കേന്ദ്രങ്ങള്‍ സ്ഥാപിക്കുന്നതിനായി സ്വകാര്യമേഖലയ്ക്ക് കൈ കൊടുക്കാനും സര്‍ക്കാര്‍ ആലോചിക്കുന്നുണ്ട്. 2028 ല്‍ പൂര്‍ത്തിയാകുമെന്ന് പ്രതീക്ഷിക്കുന്ന മുബാറക് തുറമുഖ പദ്ധതി സ്വകാര്യ മേഖലയെ ഉത്തേജിപ്പിക്കുമെന്ന് സര്‍ക്കാരിനോട് അടുത്ത വൃത്തങ്ങള്‍ സ്ഥിരീകരിച്ചു. കഴിഞ്ഞ നൂറ്റാണ്ടിന്റെ അവസാന ദശകങ്ങളില്‍ 'ഗള്‍ഫിന്റെ മുത്ത്' എന്നറിയപ്പെട്ടിരുന്ന കുവൈത്ത് ഇടക്കാലത്ത് പിന്നാക്കം പോയിരുന്നു. ഭാവിയില്‍ കുവൈത്തിനെ രത്‌നം എന്ന് ആളുകള്‍ വിളിക്കുമെന്ന് സര്‍ക്കാര്‍ വൃത്തങ്ങള്‍ അവകാശപ്പെട്ടു.

പുതിയ നീക്കം നിലവില്‍ കുവൈത്തില്‍ ജോലി ചെയ്യുന്നവര്‍ക്കും കുവൈത്തില്‍ ജോലി അന്വേഷിക്കുന്നവര്‍ക്കും വലിയ തിരിച്ചടിയാകാന്‍ സാധ്യതയുണ്ട്.

Indian expatriates, particularly Malayalis, face a significant setback as Kuwait is set to ramp up its naturalization efforts, impacting residency status for many foreign workers.