ധർമ്മശാല: ഐപിൽഎല്ലിൽ ഇന്ന് നടക്കുന്ന നിർണായകമായ മത്സരത്തിൽ പഞ്ചാബ് കിങ്‌സും ഡൽഹി ക്യാപ്പിറ്റൽസുമാണ് നേർക്കുനേർ എത്തുന്നത്. പഞ്ചാബിന്റെ തട്ടകമായ ധർമ്മശാലയിൽ നടക്കുന്ന മത്സരത്തിൽ പ്ലേ ഓഫിലേക്ക് മുന്നേറാൻ ഇരു ടീമുകൾക്കും വിജയം അനിവാര്യമാണ്. നിലവിൽ ഐപിഎൽ പോയിന്റ് പട്ടികയിൽ മൂന്നാം സ്ഥാനത്താണ് പഞ്ചാബ്. 17 പോയിന്റാണ് പഞ്ചാബിന്റെ കൈവശമുള്ളത്. ഈ മത്സരം വിജയിച്ചാൽ പഞ്ചാബിന് പ്ലേ ഓഫ് സാധ്യതകൾ ഒന്നുകൂടി ശക്തമാക്കാൻ സാധിക്കും. 13 പോയിന്റുമായി ഡൽഹി അഞ്ചാം സ്ഥാനത്തുമാണ് ഉള്ളത്. പ്ലേ ഓഫ് യോഗ്യത ഉറപ്പിക്കാൻ ഡൽഹിക്കും വിജയം അത്യാവശ്യമാണ്. 

ഈ നിർണായകമായ മത്സരത്തിൽ പഞ്ചാബ് ക്യാപ്റ്റൻ ശ്രേയസ് അയ്യരെ കാത്തിരിക്കുന്നത് ഒരു തകർപ്പൻ റെക്കോർഡാണ്. മത്സരത്തിൽ രണ്ട് ഫോറുകൾ കൂടി നേടിയാൽ ഐപിഎല്ലിൽ 300 ഫോറുകൾ പൂർത്തിയാക്കാൻ അയ്യരിന് സാധിക്കും. ഐപിഎല്ലിൽ 127 മത്സരങ്ങളിൽ നിന്നും ഇതുവരെ 300 ഫോറുകളാണ് അയ്യർ നേടിയിട്ടുള്ളത്. ഈ സീസണിൽ 27 ഫോറുകളും താരം സ്വന്തമാക്കിയിട്ടുണ്ട്. 

ഈ സീസണിൽ 11 ഇന്നിംഗ്‌സുകളിൽ നിന്നും 405 റൺസ് ആണ് അയ്യർ നേടിയിട്ടുള്ളത്. 50.62 ശരാശരിയിലും 180.80 സ്ട്രൈക്ക് റേറ്റിലും ആണ് അയ്യർ ബാറ്റ് വീശിയത്. നാല് അർദ്ധ സെഞ്ച്വറികളാണ് പഞ്ചാബ് ക്യാപ്റ്റൻ നേടിയത്. താരത്തിന്റെ ഈ മിന്നും പ്രകടനം ഡൽഹിക്കെതിരെയും അവർത്തിക്കുമെന്നാണ് പ്രതീക്ഷിക്കുന്നത്. 

shreyas iyer need two fours to create a great record in ipl