കൊളംബോ: ശ്രീലങ്കയ്‌ക്കെതിരായ ഏകദിന പരമ്പരയിലെ അവസാന മത്സരത്തില്‍ ആസ്‌ത്രേലിയക്ക് തകര്‍പ്പന്‍ ജയം. പരമ്പര നേരത്തെ തന്നെ നഷ്ടമായതിനാല്‍ ആശ്വാസ ജയം തേടിയിറങ്ങിയ ലങ്കയെ അഞ്ചു വിക്കറ്റിനാണ് ഓസീസ് തകര്‍ത്തത്. ശ്രീലങ്ക ഉയര്‍ത്തിയ 196 റണ്‍സ് വിജയ ലക്ഷ്യം ആസ്‌ത്രേലിയ ഏഴോവര്‍ ബാക്കി നില്‍ക്കെ അഞ്ചു വിക്കറ്റ് നഷ്ടത്തില്‍ മറികടന്നു .
ഡേവിഡ് വാര്‍ണര്‍ (106) കങ്കാരുക്കള്‍ക്കായി സെഞ്ച്വറി നേടി. 126 പന്തില്‍ ഒന്‍പതു ബൗണ്ടറിയടക്കമാണ് വാര്‍ണര്‍ സെഞ്ച്വറി നേടിയത്.
ജോര്‍ജ് ബെയ്‌ലി(44) യാണ് ടീമിന്റെ മറ്റൊരു പ്രധാന സ്‌കോറര്‍. ജയത്തോടെ പരമ്പര 4-1 സ്വന്തമാക്കാന്‍ ആസ്‌ത്രേലിയക്ക് സാധിച്ചു. നേരത്തെ ടോസ് നേടി ബാറ്റിങ് തെരഞ്ഞെടുത്ത ലങ്കയ്ക്ക് മികച്ച തുടക്കം കിട്ടിയിട്ടും മികച്ച സ്‌കോര്‍ നേടാന്‍ സാധിച്ചില്ല. ധനഞ്ജയ ഡി സില്‍വ (34) ധനുഷ്‌ക ഗുണതിലക (39) കുശാല്‍ മെന്‍ഡിസ് (33) എന്നിവരാണ് ടീമിന്റെ പ്രധാന സ്‌കോറര്‍മാര്‍.