തിരുവനന്തപുരം: അർജന്റൈൻ ഇതിഹാസം ലയണൽ മെസിയും അർജന്റീന ഫുട്ബോൾ ടീമും കേരളത്തിൽ ഫുട്ബോൾ കളിക്കാൻ എത്തില്ലെന്ന് റിപ്പോർട്ട്. അർജന്റീന ടീം എത്തുന്നതിന്റെ ഭാഗമായുള്ള ചെലവായ 100 കോടി രൂപ സമാഹരിക്കാൻ സംഘാടകർക്ക് സാധിക്കാതെ പോയതിന് പിന്നാലെയാണ് മെസിയുടെയും സംഘത്തിന്റെയും കേരള പര്യടനത്തിന് തിരിച്ചടി സംഭവിച്ചതെന്നാണ് ന്യൂ ഇന്ത്യൻ എക്സ്പ്രസ് റിപ്പോർട്ട് ചെയ്യുന്നത്.

ഓൾ കേരള ഗോൾഡ് ആൻഡ് സിൽവർ മർച്ചൻ്റ്സ് അസോസിയേഷന്റെ ഒരു യൂണിറ്റിനായിരുന്നു ആദ്യ സമയങ്ങളിൽ ഈ പരിപാടിയുടെ സ്പോൺസർഷിപ്പ് നൽകിയിരുന്നത്. ഒലോപ്പോ എന്ന ആപ്പിലൂടെയുള്ള വില്പനയിലോടെ 100 കോടി സമാഹരിക്കാമെന്നായിരുന്നു ഈ സംഘടന ലക്ഷ്യം വെച്ചത്. എന്നാൽ നിശ്ചിത സമയത്തിനുള്ളിൽ ഈ ഫണ്ട് സ്വരൂപിക്കാൻ സംഘാടകക്ക് സാധിക്കാതെ പോവുകയായിരുന്നു. 100 കോടി രൂപയിൽ 70 ശതമാനവും അർജന്റീന ടീമിന്റെ അപ്പിയറൻസ് ഫീസാണ്. ഈ ഫണ്ട് കണ്ടെത്തുന്നതിനായി സംഘടന മറ്റ് ഓപ്ഷനുകൾ തേടാൻ തുടങ്ങിയിട്ടുണ്ടെന്നും റിപ്പോർട്ടുകളുണ്ട്. 

ഒക്ടോബർ 25 മുതൽ നവംബർ രണ്ട് വരെ ഏഴ് ദിവസം മെസിയും സംഘവും കേരളത്തിൽ ഉണ്ടാവുമെന്നായിരുന്നു  കായിക മന്ത്രി വി അബ്ദുറഹ്മാൻ അറിയിച്ചത്. ഒരു കലണ്ടർ ഇയറിൽ ഇന്റർനാഷണൽ ബ്രേക്കിന് വേണ്ടി ക്ലബ്ബുകൾ താരങ്ങളെ എപ്പോൾ ആണ് വിട്ടുനൽകേണ്ടത് എന്നതിനെക്കുറിച്ച് ഫിഫ കൃത്യമായ തീയതികൾ പുറത്തുവിട്ടിട്ടുണ്ട്. ഒക്ടോബർ ആറ് മുതൽ 14 വരെയും നവംബർ 10 മുതൽ 18 വരെയുമാണ് ഫിഫ അന്താരാഷ്ട്ര മത്സരങ്ങൾ കളിക്കുന്നതിനുമുള്ള സമയം നൽകിയിട്ടുള്ളത്.

Report says Lionel Messi and Argentina Football Team Will Not Came For Kerala