അബൂദബിയിലെ യാസ് ഐലൻഡിൽ പുതിയ തീം പാർക്ക് നിർമ്മിക്കാനുള്ള പദ്ധതി പ്രഖ്യാപിച്ച് വാൾട്ട് ഡിസ്നി കമ്പനി. മിരാൾ കമ്പനിയുമായി സഹകരിച്ചാണ് ഈ പ്രോജക്റ്റ് നടപ്പാക്കുന്നത്. പശ്ചിമേഷ്യൻ പ്രദേശത്തെ ആദ്യത്തെ ഡിസ്നി തീം പാർക്കായിരിക്കും ഇത്.

خالد بن محمد بن زايد يشهد الإعلان عن تطوير مشروع عالم ومنتجع ديزني الترفيهي في جزيرة ياس، والذي سيصبح سابع وجهة ترفيهية لديزني على مستوى العالم، بما سيسهم في تعزيز حضور دولة الإمارات وأبوظبي كوجهة رائدة على خارطة السياحة العائلية والثقافية عالمياً. pic.twitter.com/Vm5XL2wyld

— مكتب أبوظبي الإعلامي (@ADMediaOffice) May 7, 2025

അബൂദബി കൾച്ചർ ആൻഡ് ടൂറിസം വകുപ്പ് ചെയർമാൻ മുഹമ്മദ് ഖലീഫ അൽ മുബാറക്കും ഡിസ്നി സി.ഇ.ഒ. ബോബ് ഐഗറും ചേർന്നാണ് ഈ പദ്ധതി ഔദ്യോഗികമായി അവതരിപ്പിച്ചത്. അബൂദബി യുവരാജാവും എക്സിക്യൂട്ടീവ് കൗൺസിൽ ചെയർമാനുമായ ഷെയ്ഖ് ഖാലിദ് ബിൻ മുഹമ്മദ് ബിൻ സായിദ് അൽ നഹ്യാന്റെ സാന്നിധ്യത്തിലാണ് ഈ പ്രഖ്യാപനം നടന്നത്.

ആഗോളതലത്തിൽ ഇത് ഡിസ്നിയുടെ ഏഴാമത്തെ തീം പാർക്കായിരിക്കും. നിലവിൽ കാലിഫോർണിയ, ഫ്ലോറിഡ, ടോക്കിയോ, പാരീസ്, ഹോങ്കോങ്, ഷാങ്ഹായ് എന്നിവിടങ്ങളിൽ ഡിസ്നിക്ക് തീം പാർക്കുകൾ ഉണ്ട്.

ഈ പുതിയ തീം പാർക്ക് യുഎഇയുടെ വിനോദസഞ്ചാര മേഖലയിൽ വിപ്ലവകരമായ മാറ്റം സൃഷ്ടിക്കുമെന്ന് പ്രതീക്ഷിക്കുന്നു. പദ്ധതി പൂർത്തിയാകുമ്പോൾ പശ്ചിമേഷ്യ, ആഫ്രിക്ക, ഇന്ത്യ, ഏഷ്യ, യൂറോപ്പ് എന്നിവിടങ്ങളിൽ നിന്ന് വിനോദ സഞ്ചാരികളുടെ ഒഴുക്ക് ഉണ്ടാകുമെന്നു തന്നെയാണ് പ്രതീക്ഷിക്കുന്നത്.

Abu Dhabi is set to become even more vibrant with a brand-new Disney-themed park coming to Yas Island. Stay tuned for magical experiences, thrilling rides, and unforgettable family entertainment in the heart of the UAE! 🎢✨ #DisneyMagic #UAEtourism