മക്ക: ഹജ്ജ് സീസൺ വരുന്നതിനോട് അനുബന്ധിച്ച് നിർത്തിവച്ച ഉംറ തീർത്ഥാടനം ജൂൺ 11ന് പുനരാരംഭിക്കും. അടുത്ത ഉംറ സീസണിലേക്കുള്ള വിദേശ തീർഥാടകരുടെ വരവ് ജൂൺ 11-ന് (ദുൽ ഹിജ്ജ 15-ന്) ആരംഭിക്കുമെന്നു ഉംറ മന്ത്രാലയം അറിയിച്ചു. വിസ നൽകുന്നതിനുള്ള പ്രധാന തീയതികൾ, വിദേശ ഏജന്റുമാരുമായുള്ള കരാറുകൾ, രാജ്യത്തിന് പുറത്തുനിന്നുള്ള തീർഥാടകരുടെ പ്രവേശനത്തിനും പുറപ്പെടലിനുമുള്ള സമയപരിധി തുടങ്ങിയ എല്ലാ പ്രസക്ത വിവരങ്ങളും ഉൾപ്പെടുത്തിയ കലണ്ടർ മന്ത്രാലയം പുറത്തിറക്കി.

ഉംറയ്ക്കുള്ള വിസ വിതരണം ജൂൺ 10 ന് ആരംഭിക്കും. അടുത്ത ദിവസം തന്നെ തീർത്ഥാടകരുടെ വരവ് ഔദ്യോഗികമായി ആരംഭിക്കും. തീർഥാടകർക്കുള്ള സേവനങ്ങൾ നിർവചിക്കുന്നതിനുള്ള വിദേശ ഏജന്റുമാരുമായുള്ള കരാറുകൾ മെയ് 27 ന് മുമ്പ് അന്തിമമാക്കണം.

 "നുസുക്" പ്ലാറ്റ്‌ഫോമും "ഉംറ പാത്ത്" സംവിധാനവും വഴിയാണ് രജിസ്റ്റർ ചെയ്യേണ്ടതെന്നും മന്ത്രാലയം അറിയിച്ചു.

Arrival of Umrah pilgrims will start on June 11 as Saudi Arabia announces calendar for next Umrah season