ശ്രീനഗര്‍: ജമ്മു കശ്മീരിലെ സാംബ ജില്ലയിലെ അന്താരാഷ്ട്ര അതിര്‍ത്തിയില്‍ ഏഴ് ഭീകരരെ വധിച്ചതായി ബി.എസ്.എഫ്. ഭീകരരുടെ നുഴഞ്ഞുകയറ്റശ്രമം തകര്‍ക്കുന്നതിന്റെ ദൃശ്യങ്ങള്‍ പുറത്ത് വന്നിട്ടുണ്ട്. വ്യാഴാഴ്ച രാത്രിയാണ് നുഴഞ്ഞുകയറ്റശ്രമം തകര്‍ത്തത്. ബി.എസ്.എഫ് ജമ്മു എക്‌സിലൂടെയാണ് വിവരം പുറത്തു വിട്ടത്. ഇന്നലെ (മെയ് 8) രാത്രി 11 മണിയോടെയാണ് ഭീകരര്‍ എത്തിയതെന്ന് ബി.എസ്.എഫ് ജമ്മു എക്‌സിലെ കുറിപ്പില്‍ വ്യക്തമാക്കുന്നു. 

At around 2300 hours on 8 May 2025, BSF foiled a major infiltration bid at the International Boundary in Samba district, J&K. @BSF_India @PMOIndia @HMOIndia @PIBHomeAffairs @PIB_India @BSF_SDG_WC @mygovindia

— BSF JAMMU (@bsf_jammu) May 8, 2025

നിന്ത്രണ രേഖക്ക് സമീപത്തെ സൈനിക പോസ്റ്റുകളും ഇന്ത്യ തകര്‍ത്തു. ഇതിന്റെ ദൃശ്യങ്ങളും പുറത്തു വിട്ടിട്ടുണ്ട്. അതിനിടെ, റെയില്‍വേ ജമ്മു കശ്മീരില്‍ നിന്ന് ഡല്‍ഹിയിലേക്ക് മൂന്ന് സ്‌പെഷല്‍ ട്രെയിനുകള്‍ അനുവദിച്ചിട്ടുണ്ട്. ജമ്മു, ഉധംപുര്‍ എന്നിവിടങ്ങളില്‍ നിന്ന് ഡല്‍ഹിയിലേക്കാണ് സര്‍വിസുകള്‍. 

ജമ്മു സര്‍വകലാശാലക്ക് നേരെയും ഡ്രോണ്‍ ആക്രമണം ഉണ്ടായതിനെ തുടര്‍ന്ന് സര്‍വകലാശാല അടച്ചു. അതിനിടെ ഷെല്ലാക്രമത്തില്‍ ഉറിയില്‍ ഒരു സ്ത്രീ കൊല്ലപ്പെട്ടു.

BSF foils major infiltration attempt along the international border in Samba, killing seven terrorists.