ദുബൈ: യുഎഇയിലെ ഏറ്റവും പ്രശസ്തമായ വിനോദ സ‍ഞ്ചാരകേന്ദ്രങ്ങളിലൊന്നായ ഗ്ലോബൽ വില്ലേജിന്റെ ഈ സീസൺ നാളെ (മേയ് 11) അവസാനിക്കും. 29-ാം സീസണിന്റെ അവസാന നാളുകൾ ആഘോഷിക്കുന്നതിനായി​ ഗ്ലോബൽ വില്ലേജ് നിരവധി സ്പെഷ്യൽ ഓഫറുകൾ നൽകുന്നു. 12 വയസ്സിന് താഴെയുള്ള കുട്ടികൾക്ക് സൗജന്യ പ്രവേശനം, അൺലിമിറ്റഡ് കാർനിവൽ റൈഡുകൾ, ഭക്ഷണ-സംസ്കാരപ്രേമികൾക്കായി പുതിയ അനുഭവങ്ങൾ എന്നിവ ഇതിൽ ഉൾപ്പെടുന്നു.

2024 ഒക്ടോബർ 16-ന് ആരംഭിച്ച ഈ സീസണിൽ യുഎഇയിൽ നിന്നും വിദേശത്തുനിന്നുമായി ദശലക്ഷക്കണക്കിന് സന്ദർശകരാണ് ​ഗ്ലോബൽ വില്ലേജ് സന്ദർശിച്ചത്.

1997-ൽ കുറച്ച് റീട്ടെയിൽ കിയോസ്കുകളുമായി ആരംഭിച്ച ഗ്ലോബൽ വില്ലേജ് ഇപ്പോൾ ദുബൈയിലെ പ്രമുഖ സീസണൽ ഔട്ട്ഡോർ ആകർഷണമായി വളർന്നിരിക്കുന്നു. ഈ വർഷത്തെ പതിപ്പിൽ 30 പവില്യണുകളിലായി 90-ലധികം സംസ്കാരങ്ങളും 175-ലധികം റൈഡുകൾ, ഗെയിമുകൾ, തുടങ്ങിയ ആകർഷണങ്ങളും ഉൾപ്പെടുത്തിയിട്ടുണ്ട്. എല്ലാ പ്രായക്കാർക്കും വൈവിധ്യത്തിന്റെയും വിനോദത്തിന്റെയും ആഗോള സംസ്കാരത്തിന്റെയും ആഘോഷമാണ് ​ഗ്ലോബൽ വില്ലേജ് വാഗ്ദാനം ചെയ്യുന്നത്. 

ഗ്ലോബൽ വില്ലേജിന്റെ അവസാന ആഴ്ചയിലെ പ്രത്യേകതകൾ

12 വയസ്സിന് താഴെയുള്ള കുട്ടികൾക്ക് സൗജന്യ പ്രവേശനം

സീസണിന്റെ അവസാന ആഴ്ചയിൽ, 12 വയസ്സിന് താഴെയുള്ള കുട്ടികൾക്ക് ഗ്ലോബൽ വില്ലേജിൽ സൗജന്യമായി പ്രവേശിക്കാം. മുൻപ്, മൂന്ന് വയസ്സിന് താഴെയുള്ള കുട്ടികൾക്കും, 65 വയസ്സിന് മുകളിലുള്ള മുതിർന്നവർക്കും, ഭിന്നശേഷിക്കാർക്കും മാത്രം സൗജന്യ പ്രവേശനം അനുവദിക്കുന്ന പതിവ് നയത്തിൽ നിന്നുള്ള ഒരു പ്രധാന മാറ്റമാണിത്.

50 ദിർഹത്തിന് പരിധിയില്ലാത്ത കാർണിവൽ റൈഡുകൾ.

ഒരാൾക്ക് വെറും 50 ദിർഹം മാത്രം നൽകിയാൽ 31 കാർണിവൽ റൈഡുകളിലേക്ക് പരിധിയില്ലാത്ത ആക്‌സസ് ലഭിക്കും. ഈ ഓഫർ പ്രായഭേദമന്യേ എല്ലാവർക്കും ലഭ്യമാണ്, സീസണിന്റെ അവസാനം വരെ എല്ലാ ദിവസവും ഇത് സാധുവാണ്. 

ഗ്ലോബൽ വില്ലേജ് പാസ്‌പോർട്ട് 

ഏതൊരു ടിക്കറ്റിംഗ് കൗണ്ടറിൽ നിന്നും വെറും 10 ദിർഹത്തിന് ഒരു ഗ്ലോബൽ വില്ലേജ് പാസ്പോർട് ലഭിക്കും, ഇതുപയോ​ഗിച്ച് പവലിയനുകൾ സന്ദർശിക്കുമ്പോൾ സ്റ്റാമ്പുകൾ ശേഖരിക്കുക. വേദിയിലുടനീളമുള്ള നിങ്ങളുടെ യാത്ര ട്രാക്ക് ചെയ്യുന്നതിനുള്ള ഏറ്റവും രസകരമായ മാർഗങ്ങളിലൊന്നാണിത്.

ഈ സീസണിലെ പുതിയ പവലിയനുകൾ

ഈ വർഷം, ജോർദാൻ, ഇറാഖ്, ശ്രീലങ്ക, ബംഗ്ലാദേശ് തുടങ്ങിയ രാജ്യങ്ങളെ പ്രതിനിധീകരിച്ച് മൂന്ന് പുതിയ പവലിയനുകൾ ഗ്ലോബൽ വില്ലേജ് അവതരിപ്പിച്ചു . ഇവയിൽ ആകെ 30 പവലിയനുകൾ ഉണ്ട്, ഓരോന്നിലും ഒരു രാജ്യത്തിന്റെ സംസ്കാരം, പരമ്പരാഗത വിപണികൾ, ഭക്ഷണം, കരകൗശല വസ്തുക്കൾ എന്നിവ പ്രദർശിപ്പിക്കുന്നു.

റസ്റ്റോറന്റ് പ്ലാസ

കാർണിവൽ ഏരിയയ്ക്ക് സമീപമുള്ള പ്രത്യേക ഡൈനിംഗ് സോണായ റെസ്റ്റോറന്റ് പ്ലാസ ഈ സീസണിലെ പുതിയ ആകർഷണമാണ്. വിശാലമായ കാഴ്ചകൾ പ്രദാനം ചെയ്യുന്ന 11 രണ്ട് നില റെസ്റ്റോറന്റുകൾ പ്ലാസയിലുണ്ട്, ഇത് വിശ്രമിക്കാനും ആഗോള ഭക്ഷണവിഭവങ്ങൾ ആസ്വദിക്കാനും സന്ദർശകർക്ക് അവസരമൊരുക്കുന്നു.

Global Village Dubai is closing for the season on May 11! Enjoy last-minute deals, free entry for kids, unlimited rides & cultural experiences. Visit before it’s gone!