വടക്കാഞ്ചേരി: അത്തം പിറന്നതോടെ നാട് ഓണ തിരക്കിലേക്ക്. ജനങ്ങള്‍ ഒന്നടങ്കം ഓണ വിപണിയിലേക്ക് എത്താന്‍ തുടങ്ങിയതോടെ  വടക്കാഞ്ചേരി ഗതാഗത കുരുക്കില്‍ വീര്‍പ്പുമുട്ടുകയാണ്. വടക്കാഞ്ചേരി മുതല്‍ ഓട്ടുപാറ വരെയുള്ള ഒരു കിലോമീറ്റര്‍ ദൂരം പിന്നിടണമെങ്കില്‍  വാഹന യാത്രക്കാര്‍ വലിയ ദുരിതം അനുഭവിക്കേണ്ട അവസ്ഥയാണ്.
 കിലോ മീറ്ററുകളോളം വാഹനങ്ങളുടെ നിര നീളുമ്പോള്‍ റോഡ് മുറിഞ്ഞ് കടക്കുകയെന്നത് ചെറുപ്പക്കാര്‍ക്ക് പോലും ദുഷ്‌കരമാവുകയാണ്.
 നഗരത്തിലെ അനധികൃത വാഹന പാര്‍ക്കിങ്ങും ബസുകളുടെ ഇഴച്ചിലും ദുരിതം ഇരട്ടിയാക്കുന്നു. പൊലിസിന്റെ സജീവ ഇടപെടല്‍ ഉണ്ടായില്ലെങ്കില്‍ വരും ദിവസങ്ങളില്‍ കുരുക്ക് കൂടുതല്‍ മുറുകുമെന്ന് നാട്ടുകാര്‍  പറയുന്നു.