ദുബൈയിലെ അൽ ഷിന്ദ​ഗ കോറിഡോർ വികസന പ്രോജക്റ്റിലെ ഒരു പുതിയ ഘട്ടം റോഡ് ആൻഡ് ട്രാൻസ്പോർട്ട് അതോറിറ്റി (ആർടിഎ) പ്രഖ്യാപിച്ചു. ബർ ദുബൈ ഭാ​ഗത്തെ പദ്ധതിയുടെ അഞ്ച് ഘട്ടങ്ങളും പൂർത്തിയായതായും ആർടിഎ വ്യക്തമാക്കി.

നഗരത്തിലെ യാത്രാസൗകര്യം മെച്ചപ്പെടുത്തുന്ന ഈ പുതിയ പദ്ധതി, കോറിഡോറിലെ യാത്രാ സമയം 80 മിനിറ്റിൽ നിന്ന് വെറും 12 മിനിറ്റായി കുറക്കും.

ഷെയ്ഖ് റാഷിഡ് റോഡ് - അൽ മീന സ്ട്രീറ്റ് ഇന്റർസെക്ഷൻ വികസന പ്രോജക്റ്റിന്റെ ഭാഗമായി അഞ്ചാമത്തെയും അവസാനത്തെയും പാലം ഉദ്ഘാടനം ചെയ്തതായി ആർടിഎ വ്യക്തമാക്കി. 

ഇപ്പോൾ യാത്രക്കാർക്ക് അൽ ഗർഹൗഡ് പാലത്തിൽ നിന്ന് ഇൻഫിനിറ്റി പാലം വഴി പോർട്ട് റാഷിദിലേക്കും തുടർന്ന് വാട്ടർഫ്രണ്ട് മാർക്കറ്റിലേക്കും തിരിച്ചും തടസ്സമില്ലാതെ യാത്ര ചെയ്യാനാകും.

ജുമൈറ സ്ട്രീറ്റിൽ നിന്ന് ഇൻഫിനിറ്റി പാലം വരെയുള്ള യാത്രക്ക് ഇപ്പോൾ അഞ്ച് മിനിറ്റ് ദൈർഘ്യം മാത്രം മതി. ഇൻഫിനിറ്റി പാലത്തിൽ നിന്ന് അൽ മീന സ്ട്രീറ്റിലേക്കും തുടർന്ന് സെക്കൻഡ് ഡിസംബർ സ്ട്രീറ്റുമായി കൂടിചേരുന്ന അൽ വസൽ റോഡിലേക്കും ഉള്ള യാത്രക്ക് അഞ്ച് മിനിറ്റ് സമയം മാത്രം മതിയെന്നും ആർടിഎ വ്യക്തമാക്കി.

ഇൻഫിനിറ്റി പാലത്തിന്റെ റാമ്പിന്റെ അവസാനം (ദൈറ) മുതൽ അൽ ഖലീജ് സ്ട്രീറ്റും കെയ്റോ സ്ട്രീറ്റും കൂടിച്ചേരുന്ന ഇന്റർസെക്ഷൻ വരെ നീളുന്ന അൽ ഖലീജ് സ്ട്രീറ്റ് ടണൽ പ്രോജക്റ്റും പുരോഗമിക്കുകയാണെന്ന് ആർടിഎ കൂട്ടിച്ചേർത്തു.

"ഈ കോറിഡോർ ദൈറ, ബർ ദുബൈ എന്നിവയ്ക്ക് സേവനമൊരുക്കുന്നതോടൊപ്പം, ദുബൈ ഐലൻഡ്സ്, ദുബൈ വാട്ടർഫ്രണ്ട്, ദുബൈ മാരിടൈം സിറ്റി, പോർട്ട് റാഷിഡ് തുടങ്ങിയ പ്രധാന വികസന പ്രോജക്റ്റുകളെയും ബന്ധിപ്പിക്കുന്നു. ഈ പ്രോജക്റ്റ് ഒരു ദശലക്ഷം ആളുകൾക്ക് സേവനം നൽകുന്നതാണ്," എന്ന് ദുബൈ റോഡ് ആൻഡ് ട്രാൻസ്പോർട്ട് അതോറിറ്റിയുടെ ഡയറക്ടർ ജനറൽ മത്താർ അൽ തയർ വ്യക്തമാക്കി. 

അതേസമയം, അൽ ഷിന്ദഗ കോറിഡോറിലെ നിരവധി പ്രധാന ഇന്റർസെക്ഷനുകൾ സമീപകാലങ്ങളിലായി നവീകരിച്ചിട്ടുണ്ടെന്ന് ആർടിഎ വ്യക്തമാക്കി.

The Roads and Transport Authority (RTA) has announced the completion of the Al Shindagha Corridor project, significantly reducing travel time from 80 minutes to just 12 minutes. This major infrastructure upgrade aims to ease traffic congestion and improve connectivity in Dubai.