ദുബൈ: മകള്‍ ഹിന്ദിനെ കൈയിലെടുത്ത് മുത്തം നല്‍കുന്ന പിതാവ് ഷെയ്ഖ് മുഹമ്മദിന്റെ ചിത്രം പങ്കിട്ട് യുഎഇ ഉപപ്രധാനമന്ത്രിയും പ്രതിരോധ മന്ത്രിയും ദുബൈ കിരീടാവകാശിയുമായ ഷെയ്ഖ് ഹംദാന്‍ ബിന്‍ മുഹമ്മദ് ബിന്‍ റാഷിദ് അല്‍ മക്തൂം. നേരത്തേ കുട്ടികളോടൊപ്പം സമയം ചിലവഴിക്കുന്ന ഷെയ്ഖ് ഹംദാന്‍ പങ്കുവച്ചിരുന്നു.

ഷെയ്ഖ് മുഹമ്മദും പേരക്കുട്ടിയും തമ്മിലുള്ള ആര്‍ദ്രമായ നിമിഷത്തിന്റെ ഫോട്ടോയാണ് ഷെയ്ഖ് ഹംദാന്‍ സോഷ്യല്‍ മീഡിയാ പ്ലാറ്റ്‌ഫോമായ ഇന്‍സ്റ്റാഗ്രാമില്‍ പങ്കിട്ടത്. വളരെ പെട്ടെന്നു തന്നെ ഇത് വൈറലായി.

 

 

ഷെയ്ഖ് ഹംദാന്റെ നാലാമത്തെ കുട്ടിയാണ് ഷെയ്ഖ ഹിന്ദ് ബിന്‍ത് ഹംദാന്‍ ബിന്‍ മുഹമ്മദ് ബിന്‍ റാഷിദ് ബിന്‍ അല്‍ മക്തൂം. ഷെയ്ഖ് ഹംദാന് ഹിന്ദിനെ കൂടാതെ രണ്ട് ആണ്‍മക്കളും ഒരു മകളുമുണ്ട്. 

മാതാവ് ഷെയ്ഖ ഹിന്ദ് ബിന്‍ത് മക്തൂം ബിന്‍ ജുമാ അല്‍ മക്തൂമിനോടുള്ള ബഹുമാനാര്‍ത്ഥമാണ് പെണ്‍കുഞ്ഞിന് ഹിന്ദ് എന്ന് പേരിട്ടത്.

2021ല്‍ ഷെയ്ഖ് ഹംദാന് ഇരട്ടക്കുട്ടികള്‍ ജനിച്ചിരുന്നു. പിന്നീട് 2023ലാണ് അദ്ദേഹത്തിന് മൂന്നാമത്തെ കുട്ടി ജനിച്ചത്.

ഇന്‍സ്റ്റാഗ്രാമില്‍ 17 ദശലക്ഷം ഫോളോവേഴ്സുള്ള ഷെയ്ഖ് ഹംദാന്‍ പലപ്പോഴും കുടുംബത്തോടൊപ്പം സമയം ചെലവഴിക്കുന്നതിന്റെ ചിത്രങ്ങള്‍ പങ്കിടാറുണ്ട്.

Touching images of Sheikh Mohammed kissing Hind, shared by Sheikh Hamdan, have gone viral on social media, capturing a rare and heartfelt family moment that’s winning the internet.