കുവൈത്ത് സിറ്റി: അറഫ ദിനവും ഈദുല്‍ അദ്ഹയും പ്രമാണിച്ച് ജൂണ്‍ 5 വ്യാഴാഴ്ച മുതല്‍ ജൂണ്‍ 9 തിങ്കളാഴ്ച വരെ എല്ലാ മന്ത്രാലയങ്ങളും സര്‍ക്കാര്‍ ഏജന്‍സികളും പൊതു സ്ഥാപനങ്ങളും അവധിയായിരിക്കുമെന്ന് സിവില്‍ സര്‍വീസ് കമ്മീഷന്‍ പ്രഖ്യാപിച്ചു. ഔദ്യോഗിക അക്കൗണ്ടില്‍ പോസ്റ്റ് ചെയ്ത പ്രസ്താവനയിലാണ് ജൂണ്‍ 5 മുതല്‍ 8 വരെ ഔദ്യോഗിക അവധി ദിവസമായിരിക്കുമെന്നും ജൂണ്‍ 9 തിങ്കളാഴ്ച വിശ്രമ ദിവസമായി കണക്കാക്കുമെന്നും സിവില്‍ സര്‍വീസ് കമ്മീഷന്‍ വ്യക്തമാക്കിയത്. ജൂണ്‍ 10 ചൊവ്വാഴ്ച മുതല്‍ സാധാരണപോലെ പ്രവൃത്തനം പുനരാരംഭിക്കും.

ഹിജ്‌റ 1446 ലെ അറഫ ദിനത്തിന്റെയും ഈദുല്‍ അദ്ഹയുടെയും അവധി ദിനങ്ങളില്‍ എല്ലാ മന്ത്രാലയങ്ങള്‍, സര്‍ക്കാര്‍ ഏജന്‍സികള്‍, അധികാരികള്‍, പൊതു സ്ഥാപനങ്ങള്‍ എന്നിവയിലെ ജോലികള്‍ താല്‍ക്കാലികമായി നിര്‍ത്തിവയക്കുമെന്ന് ഏപ്രില്‍ 29ന് കുവൈത്ത് മന്ത്രിസഭ പ്രഖ്യാപിച്ചിരുന്നു. ആക്ടിംഗ് പ്രധാനമന്ത്രി ഷെയ്ഖ് ഫഹദ് യൂസഫ് സൗദ് അല്‍സബയുടെ അധ്യക്ഷതയില്‍ നടന്ന പ്രതിവാര യോഗത്തില്‍ പുറത്തിറക്കിയ മന്ത്രിസഭാ പ്രസ്താവന പ്രകാരം, പൊതുമേഖലാ അവധി ദിവസങ്ങള്‍ നാല് ദിവസമായിരിക്കും. ജൂണ്‍ 5 വ്യാഴാഴ്ച മുതല്‍ ജൂണ്‍ 8 ഞായറാഴ്ച വരെയാണ് പൊതുമേഖലയിലെ അവധി. പൊതുമേഖലാ സ്ഥാപനങ്ങള്‍ ജൂണ്‍ 10 ചൊവ്വാഴ്ച മുതല്‍ പുനരാരംഭിക്കും.

The Kuwait Civil Service Commission has officially announced the Eid holiday schedule, with public sector employees set to enjoy multiple days off to celebrate the festive occasion.