കല്ലമ്പലം(തിരുവനന്തപുരം): അയൽവാസിയുടെ പുരയിടത്തിലെ  മരം  ഒടിഞ്ഞു ദേഹത്തുവീണ് എട്ടുവയസുകാരിക്ക് ദാരുണാന്ത്യം. മരം വീഴുന്നത് കണ്ട്  സഹോദരനെ രക്ഷിക്കാന്‍ ശ്രമിക്കുന്നതിനിടെയാണ് അപകടം.  കല്ലമ്പലം നാവായിക്കുളം കുടവൂര്‍ ലക്ഷം വീട് നഗറിലെ   എന്‍.എന്‍.ബി ഹൗസില്‍ സഹദിന്റയും നാദിയയുടെയും മകള്‍ റിസ്‌വാനയാണ് മരിച്ചത്.   ഒന്നര വയസായ അനുജന്‍ വീടിനു പിറകില്‍ കളിച്ചു കൊണ്ടിരിക്കെ, മരം ഒടിയുന്ന ശബ്ദം കേട്ട് സഹോദരനെ രക്ഷിക്കാന്‍ റിസ്‌വാന ഓടിയെത്തുകയായിരുന്നു. അനുജന്‍ അത്ഭുതകരമായി രക്ഷപ്പെട്ടു.  പേരൂര്‍ എം.എം.യു.പി സ്‌കൂളിലെ രണ്ടാം ക്ലാസ് വിദ്യാഥിനിയാണ്. സഹോദരങ്ങള്‍: റഹീസ ഫാത്തിമ, സ്വാലിദ്.