വാടാനപ്പള്ളി: മത ഭൗതിക സമന്വയ വിദ്യാഭ്യാസ സ്ഥാപനമായ വാടാനപ്പള്ളി ശംസുല്‍ ഹുദാ ഇസ്‌ലാമിക് അക്കാദമി വിദ്യാര്‍ഥി യൂണിയന്‍ ഉദ്ഘാടനവും വിദ്യാര്‍ഥികളുടെ കലോത്സവും ഇന്ന് നടക്കും.
മണലൂര്‍ നിയോജക മണ്ഡലം എം.എല്‍.എ മുരളി പെരുനെല്ലി ഉദ്ഘാടനം ചെയ്യുന്ന വേദിയില്‍ ഓണമ്പിള്ളി മുഹമ്മദ് ഫൈസി മുഖ്യപ്രഭാഷണം നിര്‍വഹിക്കും.
 വാടാനപ്പള്ളി ഗ്രാമപഞ്ചായത്ത് പ്രസിഡന്റ് ഷിജിത്ത് വടുക്കുംഞ്ചേരി, ഖത്തര്‍ കെ.എം.സി.സി തൃശൂര്‍ ജില്ലാ  സെക്രട്ടറി പി.എം ഹുസൈന്‍, സംസ്ഥാന അധ്യാപക അവാര്‍ഡ് ജേതാവ് അബ്ദുല്‍ ഖാദര്‍ മാസ്റ്റര്‍, മുഹമ്മദ് മോന്‍ ഹാജി, സി.എ റഷീദ്, ഹനീഫ ഹാജി മര്‍ജാന്‍, ശാഹുല്‍.കെ.പഴുന്നാന, മുഹമ്മദ് മുസ്തഫ വാഫി തുടങ്ങിയവര്‍ പങ്കെടുക്കും.
ഇന്നും, നാളെയും അറബിക്, ഇംഗ്ലീഷ്, ഉറുദു, മലയാളം ഭാഷകളിലായി 75 ഇനങ്ങളില്‍ വിദ്യാര്‍ഥികളുടെ കലാമത്സരം, വാഫി ആര്‍ട്‌സ് ഫിയസ്റ്റ 16 നടക്കും. വ്യാഴാഴ്ച നടക്കുന്ന അധ്യാപക രക്ഷാകര്‍തൃ മാനേജ്‌മെന്റ് സംഗമത്തില്‍ വിളയികള്‍ക്കുള്ള ട്രോഫികള്‍ വിതരണം ചെയ്യും.