തായ്‌ലൻഡിലെ സരബുരി പ്രവിശ്യയിൽ നിന്നുള്ള ഒരു ശവസംസ്കാര തൊഴിലാളി ലോകത്തെ ഞെട്ടിച്ചിരിക്കുകയാണ്! വർഷങ്ങളായി ദഹിപ്പിച്ച മൃതദേഹങ്ങളിൽ നിന്ന് ശേഖരിച്ച സ്വർണ്ണ പല്ലുകൾ ഉരുക്കി, 21.13 ഗ്രാം ഭാരമുള്ള ഒരു സ്വർണ്ണക്കട്ടിയാക്കി മാറ്റിയിരിക്കുകയാണ് അദ്ദേഹം. മൂല്യം  ഏകദേശം 59,000 ബാറ്റ്, അതായത് 1,800 യുഎസ് ഡോളർ (ഏകദേശം 1.5 ലക്ഷം രൂപ)! ഈ അവിശ്വസനീയ കഥ സൗത്ത് ചൈന മോർണിംഗ് പോസ്റ്റാണ് പുറത്തുവിട്ടത്.

നിയമപരമായി, കുടുംബങ്ങളുടെ അനുമതിയോടെ തായ്-ചൈനീസ് കുടുംബങ്ങൾക്കിടയിൽ പ്രചാരമുള്ള ഒരു സെമിത്തേരിയിൽ ദീർഘകാലമായി ജോലി ചെയ്യുന്ന ഈ തൊഴിലാളി, മരിച്ചവരുടെ കുടുംബങ്ങളുടെ പൂർണ്ണ അറിവോടെയും അനുമതിയോടെയും മാത്രമാണ് സ്വർണ്ണം ശേഖരിച്ചതെന്ന് ഉറപ്പിച്ചു പറയുന്നു. അതിലുപരി, ഈ സ്വർണ്ണത്തിന്റെ ഒരു ഭാഗം മരിച്ചവർക്ക് ആത്മീയ നേട്ടം ലഭിക്കാനായി ബുദ്ധമത ആചാരപ്രകാരം പുണ്യകർമ്മങ്ങൾക്കായി ഉപയോഗിക്കാനാണ് അദ്ദേഹത്തിന്റെ പദ്ധതി.

 

 

ഈ സംഭവം പുറംലോകം അറിഞ്ഞത് ഏപ്രിൽ 25-ന് സരബുരിയിലെ ഒരു സ്വർണ്ണക്കട ഉടമ പോസ്റ്റ് ചെയ്ത വീഡിയോ വഴിയാണ്. വീഡിയോയിൽ, തൊഴിലാളി കൊണ്ടുവന്ന ലോഹക്കഷണങ്ങൾ എക്സ്-റേ സ്കാനർ ഉപയോഗിച്ച് പരിശോധിക്കുന്ന ദൃശ്യങ്ങൾ കാണാം. "ഇത് മുഴുവൻ മൃതദേഹങ്ങളുടെ സ്വർണ്ണപല്ലുകളിൽ നിന്നാണ്!" എന്ന് പറയുന്ന കടയുടമ, ഒരു ദന്തശകലം ക്യാമറയ്ക്ക് മുന്നിൽ പ്രദർശിപ്പിക്കുന്നുണ്ട്. പരിശോധനയിൽ എല്ലാം യഥാർത്ഥ സ്വർണ്ണമാണെന്ന് സ്ഥിരീകരിച്ച ശേഷം, അവ ഒരു തിളങ്ങുന്ന സ്വർണ്ണക്കട്ടിയായി ഉരുക്കി.

 

 

സ്വർണ്ണം ഇപ്പോൾ വിലയേറിയതാണ്, അങ്കിളിന് ലക്ഷങ്ങൾ കിട്ടും! അഭിനന്ദനങ്ങൾ!" എന്നാണ്  സോഷ്യൽ മീഡിയയിലെ കമന്റ്. മറ്റൊരാൾ , "അങ്കിൾ ജീവിതകാലം മുഴുവൻ നല്ല കാര്യങ്ങൾ ചെയ്തിട്ടുണ്ടാകണം. പലരും ധൈര്യപ്പെടാത്ത ഈ ജോലി അദ്ദേഹം ചെയ്യുന്നു. മരിച്ചവരും അവരുടെ കുടുംബങ്ങളും ഇത് അദ്ദേഹത്തിന് നൽകാൻ സന്തോഷിക്കുമെന്ന് ഞാൻ വിശ്വസിക്കുന്നു എന്നും പറയുന്നു.

ദഹനശേഷം മൃതദേഹങ്ങളുടെ അവശിഷ്ടങ്ങളിൽ ചാരം, അസ്ഥിക്കഷണങ്ങൾ, ചിലപ്പോൾ സ്വർണ്ണപല്ലുകൾ എന്നിവ ശേഷിക്കാറുണ്ടെന്ന് തൊഴിലാളി വെളിപ്പെടുത്തി. ഈ സ്വർണ്ണം ശേഖരിച്ച്, നിയമപരമായി ഒരു വലിയ നിധിയാക്കി മാറ്റിയ അദ്ദേഹത്തിന്റെ കഥ ഇന്ന് ലോകമെമ്പാടും ചർച്ചയാണ്.