മോസ്കോ: റഷ്യൻ പ്രസിഡന്റ് വ്ലാഡിമിർ പുടിൻ ഇന്ത്യയിലേക്ക്. ഇന്ത്യ-റഷ്യ ബന്ധങ്ങൾ ശക്തിപ്പെടുത്തുക എന്നതാണ് ഈ സന്ദർശനത്തിന്റെ പ്രധാന ലക്ഷ്യം. ഭീകരവാദത്തിനെതിരെയുള്ള പോരാട്ടത്തിൽ ഇരു രാജ്യങ്ങളും തമ്മിലുള്ള സഹകരണം വർധിപ്പിക്കേണ്ടതിന്റെ ആവശ്യകത ഇരു പക്ഷവും ഊന്നിപ്പറഞ്ഞിട്ടുണ്ട്.

റഷ്യൻ പ്രസിഡന്റിന്റെ ഔദ്യോഗിക വെബ്സൈറ്റ് പ്രകാരം, പ്രധാനമന്ത്രി നരേന്ദ്ര മോദിയുമായി പുടിൻ ഫോണിൽ സംസാരിച്ചു. ഈ വർഷാവസാനം ഇന്ത്യയിൽ നടക്കാനിരിക്കുന്ന വാർഷിക ഉച്ചകോടിയിൽ പുടിൻ പങ്കെടുക്കുമെന്നും റിപ്പോർട്ട് ചെയ്യപ്പെട്ടിട്ടുണ്ട്. എന്നാൽ സന്ദർശനത്തിന്റെ കൃത്യമായ തീയതി ഇതുവരെ വ്യക്തമല്ല.

പഹൽഗാം ഭീകരാക്രമണത്തിന് ശേഷം, ഇന്ത്യയുടെ ഭീകരവാദ-വിരുദ്ധ പോരാട്ടത്തിന് പുടിൻ പർണ്ണ പിന്തുണ പ്രഖ്യാപിച്ചിരുന്നു. 26 പേരുടെ ജീവൻ എടുത്ത ഈ ക്രൂരമായ ആക്രമണത്തിന് പിന്നിൽ പ്രവർത്തിച്ച കുറ്റവാളികളെയും അവരെ പിന്തുണക്കുന്നവരെയും നിയമത്തിന് മുന്നിൽ കൊണ്ടുവരണമെന്ന് പുടിൻ ആവശ്യപ്പെട്ടിരുന്നു.

ഈ സംഭവത്തിന്റെ പശ്ചാത്തലത്തിൽ, പ്രധാനമന്ത്രിയുടെ റഷ്യൻ സന്ദർശനം ഒഴിവാക്കിയിരുന്നു. മെയ് 9-ന് റഷ്യയിൽ നടക്കാനിരുന്ന വിക്ടറി ഡേ ആഘോഷങ്ങളിൽ മുഖ്യാധിതിയാകേണ്ടിയിരുന്നത് നരേന്ദ്ര മോദിയായിരുന്നു. രണ്ടാം ലോകമഹായുദ്ധത്തിൽ ജർമ്മനിയെ റഷ്യ തോൽപ്പിച്ചതിന്റെ വാർഷികാഘോഷമാണ് വിക്ടറി ഡേ ആയി ആഘോഷിക്കുന്നത്.

ഈ സാഹചര്യത്തിൽ, പ്രതിരോധ സഹമന്ത്രി സഞ്ജയ് സേത്ത് റഷ്യ സന്ദർശിച്ചിരുന്നു. 1941-45 കാലഘട്ടത്തിലെ രണ്ടാം ലോകമഹായുദ്ധത്തിൽ സോവിയറ്റ് യൂണിയൻ നേടിയ വിജയത്തിന്റെ 80-ാം വാർഷികാഘോഷങ്ങളിൽ അദ്ദേഹം പങ്കെടുത്തു. മോസ്കോയിൽ നടന്ന ഈ ചടങ്ങിൽ സേത്ത് റഷ്യൻ പ്രസിഡന്റിനെ സന്ദർശിക്കുകയും അഭിനന്ദനങ്ങൾ അറിയിക്കുകയും ചെയ്തിരുന്നു. അതിർത്തി കടന്നുള്ള ഭീകരവാദത്തിനെതിരെ ഇന്ത്യ നടത്തുന്ന പോരാട്ടത്തിന് റഷ്യ നൽകുന്ന പിന്തുണയ്ക്ക് അദ്ദേഹം നന്ദി അറിയിച്ചിരുന്നു.

Russian President Vladimir Putin is set to visit India as both nations aim to strengthen diplomatic relations. The Kremlin confirmed a phone discussion between Putin and Indian PM Narendra Modi, highlighting mutual cooperation in counterterrorism efforts.