ശ്രീനഗര്‍: ജമ്മു കശ്മീരിലെ ഷോപിയാനില്‍ വീണ്ടും ഏറ്റുമുട്ടല്‍. സുരക്ഷാസേനയുമായുണ്ടായ ഏറ്റുമുട്ടലില്‍ നാല ഭീകരരെ സൈന്യം വധിച്ചു. 
ലഷ്‌കറെ ത്വയ്യിബയുമായി ബന്ധമുള്ളയാളാണ് കൊല്ലപ്പെട്ടതെന്നാണ് റിപ്പോര്‍ട്ട്. കുല്‍ഗാമില്‍ ആരംഭിച്ച ഏറ്റുമുട്ടല്‍ പിന്നീട് ഷോപിയാന്‍ വനമേഖലയിലേക്ക് എത്തുകയായിരുന്നു. രഹസ്യ വിവരത്തിന്റെ അടിസ്ഥാനത്തില്‍ സേന നടത്തിയ നീക്കത്തിനിടെയാണ് ഏറ്റുമുട്ടലുണ്ടായത്. വനമേഖലയില്‍ മൂന്ന് ഭീകരര്‍ ഉണ്ടെന്നാണ് സേനക്ക് ലഭിച്ച വിവരം. 

 കൂടുതല്‍ സുരക്ഷാ ഉദ്യോഗസ്ഥരെ മേഖലയില്‍ വിന്യസിച്ചിട്ടുണ്ട്. പഹല്‍ഗാം ഭീകരാക്രമണവുമായി ബന്ധപ്പെട്ട് മൂന്ന് ഭീകരര്‍ക്കായി ലുക്ക്ഔട്ട് നോട്ടിസും പുറപ്പെടുവിച്ചു. ഭീകരരെ കുറിച്ച് ഏതെങ്കിലും തരത്തിലുള്ള വിവരങ്ങള്‍ നല്‍കുന്നവര്‍ക്ക് 20 ലക്ഷം രൂപ പാരിതോഷികവും പ്രഖ്യാപിച്ചിട്ടുണ്ട്. 

അതേസമയം പഞ്ചാബിലെ ജലന്ധറില്‍ തിങ്കളാഴ്ച സായുധസേന വീഴ്ത്തിയത് ആക്രമണ ഡ്രോണ്‍ അല്ലെന്നും നിരീക്ഷണ ഡ്രോണ്‍ ആണെന്നും സൈനിക വൃത്തങ്ങള്‍ അറിയിച്ചു. 

Four militants reportedly linked to Lashkar-e-Taiba were killed in an encounter with security forces in Shopian's forest area, following a joint operation based on intelligence inputs.