തിരുവനന്തപുരം: പ്ലസ് വണ്‍ പ്രവേശനത്തിന് ഇന്നു മുതല്‍ അപേക്ഷിക്കാം. ഓണ്‍ലൈനായാണ് പ്രവേശന നടപടികള്‍. പൊതുവിദ്യാഭ്യാസ വകുപ്പിന്റെ ഹയര്‍സെക്കന്‍ഡറി വെബ്‌സൈറ്റായ https;//hscap.kerala.gov.in  വഴി ഏകജാലകത്തിലൂടെയാണ് അപേക്ഷിക്കേണ്ടത്. മെയ് 20 വരെയാണ് അപേക്ഷിക്കാനുള്ള സമയം.

24ന് ട്രയല്‍ അലോട്ട്‌മെന്റ് പ്രസിദ്ധീകരിക്കുന്നതാണ്. ജൂണ്‍ രണ്ടിനാണ് ആദ്യ അലോട്ടമെന്റ്. രണ്ടാമത്തെ അലോട്ട്‌മെന്റ് 10നുമായിരിക്കും. 16ന് മൂന്നാം അലോട്ട്‌മെന്റും പ്രസിദ്ധീകരിക്കും. ജൂണ്‍ 18ന് പ്ലസ് വണ്‍ ക്ലാസുകള്‍ ആരംഭിക്കും. തുടര്‍ന്ന് പുതിയ അപേക്ഷ ക്ഷണിക്കുകയും സപ്ലിമെന്ററി അലോട്ടമെന്റിലൂടെ ബാക്കിവരുന്ന ഒഴിവുകളും നികത്തുന്നതാണ്.