കൊച്ചി: എറണാകുളം കടവന്ത്രയില്‍ റെയില്‍വേ കാന്റീനില്‍ നിന്ന് പഴകിയ ഭക്ഷണം പിടികൂടി. സ്വകാര്യ വ്യക്തി കരാറെടുത്ത് നടത്തിയിരുന്ന ബ്രന്ദാവന്‍ ഫുഡ് പ്രൊഡക്ട്‌സിലാണ് ആരോഗ്യ വിഭാഗം പരിശോധന നടത്തിയത്. വന്ദേഭാരതിലടക്കം യാത്രക്കാര്‍ക്ക് ഭക്ഷണം വിതരണം ചെയ്യുന്ന ഭക്ഷണമാണിതെന്ന് അന്വേഷണത്തില്‍ കണ്ടെത്തി.

ലൈസന്‍സ് എടുക്കാതെയാണ് സ്ഥാപനം പ്രവര്‍ത്തിച്ചിരുന്നത്. കാലാവധി കഴിഞ്ഞ ഇറച്ചിയും, മുട്ടകളും, മറ്റ് ഭക്ഷണ സാധനങ്ങളും സ്ഥാപനത്തില്‍ നിന്ന് കണ്ടെത്തിയിട്ടുണ്ട്. 

വാടകയ്‌ക്കെടുത്ത കെട്ടിടത്തിലാണ് ഫുഡ് കമ്പനി പ്രവര്‍ത്തിക്കുന്നത്. ഇവിടെ നിന്ന് മലിനജലം തോട്ടിലേക്ക് ഒഴുക്കി വിട്ടതെന്ന പരാതി നേരത്തെ ലഭിച്ചിരുന്നു. അന്വേഷണം നടത്തിയപ്പോള്‍ ഇനി ആവര്‍ത്തിക്കില്ലെന്ന മറുപടിയാണ് ബ്രന്ദാവന്‍ ഫുഡ് പ്രൊഡക്ട് അധികൃതര്‍ നല്‍കിയത്. ലൈസന്‍സ് എടുക്കാമെന്ന് അറിയിച്ചതിന് ശേഷമാണ് വീണ്ടും സമയം നീട്ടി നല്‍കിയത്.

health department checked Brindavan Food Products a railway canteen in Kadavanthra Ernakulam and found stale food