തിരുവനന്തപുരം: എല്‍എസ്എസ്, യുഎസ്എസ് പരീക്ഷാഫലം പ്രഖ്യാപിച്ചു. ഈ വര്‍ഷത്തെ എല്‍എസ്എസ് പരീക്ഷയില്‍ 30,380 കുട്ടികള്‍ സ്‌കോളര്‍ഷിപ്പിന് അര്‍ഹരായി. യുഎസ്എസിന് 38,782 കുട്ടികളും സ്‌കോളര്‍ഷിപ്പിനുള്ള യോഗ്യത നേടി. 2025 ഫെബ്രുവരിയില്‍ നടന്ന പരീക്ഷകളുടെ ഫലമാണ് പ്രഖ്യാപിച്ചത്. 

പരീക്ഷാ ഭവന്റെ വെബ്‌സൈറ്റില്‍ ഫലം ലഭിക്കുന്നതാണ്. എല്‍എസ്എസ് പരീക്ഷ ആകെ 10,8421 കുട്ടികളാണ് എഴുതിയത്. ഇവരില്‍ 30,380 കുട്ടികളാണ് സ്‌കോളര്‍ഷിപ്പിന് അര്‍ഹരായത്. 

വിജയശതമാനം 28.02 ആണ്. 91,151 കുട്ടികളാണ് യുഎസ്എസ് പരീക്ഷ എഴുതിയത്. ഇവരില്‍ 38,782 കുട്ടികള്‍ക്കാണ് സ്‌കോളര്‍ഷിപ്പ് ലഭിച്ചത്. വിജയശതമാനം 42.55 ആണ്. 1640 കുട്ടികള്‍ ഗിഫ്റ്റഡ് ചില്‍ഡ്രണ്‍ പ്രോഗ്രാമിലേക്കും യോഗ്യത നേടി. പരീക്ഷയുടെ ഉത്തര സൂചികയും എല്‍എസ്എസ്, യുഎസ്എസ് പരീക്ഷകളുടെ ഫലങ്ങളും https://pareekshabhavan.kerala.gov.in, https://bpekerala.in/lss-uss-2025 എന്നീ വെബ്‌സൈറ്റുകളില്‍ ലഭ്യമാണ്.

 2024-25 അധ്യയന വര്‍ഷത്തെ എസ്എസ്എല്‍സി, ടിഎച്ച്എസ്എല്‍സി സേ പരീക്ഷകളുടെ വിജ്ഞാപനവും പ്രസിദ്ധീകരിച്ചിട്ടുണ്ട്. പരീക്ഷകള്‍ മെയ് 28ന് ബുധനാഴ്ച ആരംഭിക്കും. ജൂണ്‍ 5 വ്യാഴാഴ്ച പരീക്ഷ അവസാനിക്കുകയും ചെയ്യും.