മലപ്പുറം: കാലത്തിനൊപ്പം മുഖം മിനുക്കാൻ ചരിത്ര തീരുമാനങ്ങളുമായി മുസ്‍ലിം ലീഗ്. കഴിഞ്ഞ ദിവസം ചെന്നൈയിൽ ചേർന്ന ദേശീയ കൗൺസിലാണ് നിർണായക തീരുമാനങ്ങളെടുത്തത്. ദേശീയാടിസ്ഥാനത്തിൽ വ്യവസ്ഥാപിതമായി നടന്ന മെംബർഷിപ് കാംപയിന് ശേഷമാണ് ഇത്തവണ മുസ്‍ലിം ലീഗ് കൗൺസിൽ ചേർന്നത്. പരിചയസമ്പന്നരായി നേതൃനിരയെ നിലനിർത്തിയപ്പോഴും പുതുമുഖങ്ങൾക്ക് അവസരം നൽകിയാണ് ഇത്തവണ ലീഗ് ശ്രദ്ധയാകർഷിച്ചത്. പ്രൊഫ. ഖാദർ മൊയ്തീനും കുഞ്ഞാലിക്കുട്ടിക്കും ഇത് മൂന്നാമൂഴമാണ്.

വനിതകളെ കമ്മിറ്റിയിൽ ഉൾപ്പെടുത്തി എന്നതാണ് ഇത്തവണത്തെ മുസ്‍ലിം ലീഗ് ദേശീയ കമ്മിറ്റിയെ വ്യത്യസ്തമാക്കുന്നത്. വിതാ ലീഗ് ദേശീയ അധ്യക്ഷ ഫാത്തിമ മുസഫറും വയനാട് സ്വദേശി ജയന്തിരാജനും ഇത്തവണ അസി. സെക്രട്ടറിമാരായി ഇടം പിടിച്ചതോടെ പിറന്നത് പുതിയൊരു ചരിത്രമാണ്. 15 മലയാളികളും മറ്റു സംസ്ഥാനങ്ങളിലെ 12 പേരുമാണ് ഇത്തവണ 27 അംഗ ദേശീയ കമ്മിറ്റിയിലുള്ളത്. ഇതിൽ മലയാളികളായ ഏഴ് പേരുൾപ്പെടെ 14 പുതുമുഖങ്ങളുമുണ്ട്. കെ.പി.എ മജീദ്, സഫാരി സൈനുൽ ആബിദീൻ(വെ.പ്രസിഡന്റുമാർ), പാണക്കാട് സയ്യിദ് മുനവറലി ശിഹാബ് തങ്ങൾ, അഡ്വ. ഹാരിസ് ബീരാൻ എം.പി, ടി.എ അഹ്മദ് കബീർ (ദേശീയ സെക്രട്ടറിമാർ), ജയന്തി രാജൻ(അസി.സെക്രട്ടറി) എന്നിവരാണ് കേരളത്തിൽ നിന്നുള്ള പുതുമുഖങ്ങൾ.

മുസ്‍ലിം ലീഗ് മുൻ സംസ്ഥാന ജനറൽ സെക്രട്ടറിയും നിയമസഭാ ചീഫ് വിപ്പുമായിരുന്ന കെ.പി.എ മജീദ് ആദ്യമായാണ് ദേശീയ രാഷ്ട്രീയത്തിലെത്തുന്നത്. പ്രവാസി വ്യവസായിയും ഗൾഫ് സുപ്രഭാതം ചെയർമാനുമായ കെ. സൈനുൽ ആബിദീൻ സഫാരിയുടെ ദേശീയരാഷ്ട്രീയത്തിലേക്കുള്ള കടന്നുവരവ് തികച്ചും അപ്രതീക്ഷിതമായിരുന്നു. യുവാക്കളെ പ്രധിനിധീകരിച്ച് യൂത്ത് ലീഗിന്റെ സംസ്ഥാന പ്രസിഡന്റായ പാണക്കാട് സയ്യിദ് മുനവ്വറലി ശിഹാബ് തങ്ങളും കമ്മിറ്റിയിലുണ്ട്. 
യൂത്ത് ലീഗ് ദേശീയ ജനറൽ സെക്രട്ടറിയായ അഡ്വ. ഫൈസൽ ബാബുവും ദേശീയ പ്രസിഡന്റായ ആസിഫ് അൻസരിയും കമ്മിറ്റിയിലെ പുതുമുഖങ്ങളാണ്. വഖ്ഫ്, പൗരത്വം എന്നീവിഷയങ്ങളിലെ ഇടപെടലുകളാണ് ഹാരിസ് ബീരാനെ ദേശീയ കമ്മിറ്റിയിലേക്കെത്തിച്ചത്. 

The Muslim League has announced a list of 27 candidates for upcoming elections, featuring 14 new faces and including women in a bid to revamp its image. The move is seen as an effort to bring fresh perspectives and appeal to a broader voter base [1].