തെയ്യോട്ടുചിറ: തെയ്യോട്ടുചിറ ആണ്ടുനേര്‍ച്ചയുടെ മൂന്നാം ദിവസമായ ഇന്ന് കെ.എം.ഐ.സി ഹിഫ്‌ളുല്‍ ഖുര്‍ആന്‍ സനദ് ദാന സമ്മേളനം വൈകളട്ട് ഏഴിന് പാണക്കാട് സയ്യിദ് ഹൈദറലി ശിഹാബ് തങ്ങള്‍ ഉദ്ഘാടനം ചെയ്യും. മഹല്ല് ഖാസി മൊയ്ദുട്ടി മുസ്‌ലിയാര്‍ അധ്യക്ഷനാകും. പ്രിന്‍സിപ്പല്‍ സി.എച് അബ്ദുറഹ്മാന്‍ വഹബി സനദ്ദാന പ്രഭാഷണം നടത്തും. ഇബ്രാഹിം ഖലീല്‍ ഹുദവി മുഖ്യപ്രഭാഷണം നടത്തുന്ന വേദിയില്‍ മഹല്ല് പ്രസിഡന്റ് മുസ്‌ലിയാര്‍ സ്വാഗതം പറയും
  ദിക്‌റ് ദുആ സമ്മേളനം പാണക്കാട് സയ്യിദ് റശീദലി ശിഹാബ് തങ്ങള്‍ ഉദ്ഘാടനം ചെയ്യും. സയ്യിദ് ഉണ്ണിക്കോയ തങ്ങള്‍ അധ്യക്ഷനാകും. ഏലംകുളം ബാപ്പു മുസ്‌ലിയാര്‍ ദിക്‌റ് ദുആ സമ്മേളനത്തിന് നേതൃത്വം നല്‍കും.
ബുധന്‍ നടക്കുന്ന ഖത്തം ദുആ സമ്മേളനത്തിനു മാത്തൂര്‍ മുഹമ്മദ് മുസ്‌ലിയാര്‍ നേതൃത്വം നല്‍കും. അവസാന ദിവസമായ സെപ്റ്റംബര്‍ എട്ട് വ്യാഴം രാവിലെ കൊടക്കാട് ഇമ്പിച്ചിക്കോയ തങ്ങളുടെ നേതൃത്വത്തില്‍ മൗലിദ് പാരായണവും അന്നദാനവും നടക്കും.