മുംബൈ: ഇന്ത്യന്‍ ക്രിക്കറ്റ് ടീമിന്റെ ഇംഗ്ലണ്ട് പര്യടനത്തിന് മുന്നോടിയായി ഇംഗ്ലണ്ട് ലയണ്‍സിനെതിരേ നടക്കുന്ന ഫസ്റ്റ് ക്ലാസ് ടെസ്റ്റ് മത്സരങ്ങള്‍ക്കുള്ള ഇന്ത്യ എ ടീമിനെ പ്രഖ്യാപിച്ച് ബി.സി.സി.ഐ. ബംഗാള്‍ താരം അഭിമന്യൂ ഈശ്വരന്‍ നയിക്കുന്ന ടീമില്‍ വിക്കറ്റ് കീപ്പര്‍ ധ്രുവ് ജുറലാണ് വൈസ് ക്യാപ്റ്റന്‍.

മലയാളി താരം കരുണ്‍ നായര്‍, യശസ്വി ജയ്‌സ്വാള്‍, ഇഷാന്‍ കിഷന്‍ തുടങ്ങിയവരും ടീമിലുണ്ട്. രണ്ട് മത്സരങ്ങളടങ്ങുന്ന പരമ്പരയാണ് ടീം കളിക്കുന്നത്. ആദ്യ മത്സരം ഈ മാസം 30നും രണ്ടാം മത്സരം  ജൂണ്‍ ആറിനുമാണ് ആരംഭിക്കുന്നത്. ശുഭ്മാന്‍ ഗില്‍, സായ് സുദര്‍ശന്‍ തുടങ്ങിയ പ്രമുഖ താരങ്ങള്‍ രണ്ടാം മത്സരത്തിന് മുമ്പായി ടീമിനൊപ്പം ചേരും. 

ഇന്ത്യ എ ടീം 

അഭിമന്യു ഈശ്വരന്‍, യശസ്വി ജയ്‌സ്വാള്‍, കരുണ്‍ നായര്‍, ധ്രുവ് ജുറല്‍, നിതീഷ് കുമാര്‍ റെഡ്ഡി, ശര്‍ദുല്‍ താക്കൂര്‍, ഇഷാന്‍ കിഷന്‍, മാനവ് സുതര്‍, തനുഷ് കോട്ടിയാന്‍, മുകേഷ് കുമാര്‍, ആകാശ് ദീപ്, ഹര്‍ഷിത് റാണ, അന്‍ഷുല്‍ കംബോജ്, ഖലീല്‍ അഹ്മദ്, റുതുരാജ് ഗെയ്ക്വാദ്, സര്‍ഫറാസ് ഖാന്‍, തുഷാര്‍ ദേശ്പാണ്ഡെ, ഹര്‍ഷ് ദുബെ.

Ahead of the Indian cricket teams tour of England the BCCI has announced the India A squad for the first-class Test matches against the England Lions