മനാമ: ബഹ്‌റൈനിലെ കമ്പനികള്‍ ഉദ്യോഗാര്‍ത്ഥികളുടെ റിക്രൂട്ട്‌മെന്റ് നടത്തുന്നത് പ്രധാനമായും പത്തു വിശേഷഗുണങ്ങളെ അടിസ്ഥാനമാക്കിയെന്ന് റിപ്പോര്‍ട്ടുകള്‍. അറബിയിലും ഇംഗ്ലീഷിലുമുള്ള അവഗാഹത്തിനു പുറമേ മികച്ച കമ്മ്യൂണിക്കേഷന്‍ സ്‌കില്‍സും കമ്പനികളുടെ പരിഗണന ലഭിക്കാന്‍ കാരണമാകും. ഇതുതന്നെയാണ് ബഹ്‌റൈനിലെ മിക്ക തൊഴിലുടമകളുടെ ഉദ്യോഗാര്‍ത്ഥികളില്‍ തേടുന്ന പ്രധാന യോഗ്യതയും.

ഇതിനുപുറമേ സഹകരണം, ടീം വര്‍ക്ക്, ഡിജിറ്റല്‍ സാക്ഷരത, ഫ്‌ലെക്‌സിബിലിറ്റി, പ്രശ്‌നപരിഹാരവും വിമര്‍ശനാത്മക ചിന്തകളും, നേതൃപാടവം, ഇമോഷണല്‍ ഇന്റലിജന്‍സ്, സംരംഭകത്വ ചിന്താഗതി എന്നിവയാണ് ബഹ്‌റൈനിലെ തൊഴിലുടമകള്‍ തേടുന്ന മറ്റു ഗുണങ്ങള്‍. ക്വാളിറ്റി കോഡ് കണ്‍സള്‍ട്ടന്‍സി ബഹ്‌റൈന്‍ സൊസൈറ്റി ഓഫ് പ്രൈവറ്റ് ട്രെയിനിംഗ് ഇന്‍സ്റ്റിറ്റ്യൂട്ടുകളുമായി സഹകരിച്ച് മുന്നൂറിളധികം ആളുകളെ പങ്കെടുപ്പിച്ച് സര്‍വേ നടത്തിയതിന്റെ അടിസ്ഥാനത്തിലാണ് റിപ്പോര്‍ട്ട് തയ്യാറാക്കിയത്.

തൊഴിലുടമകള്‍, ഉദ്യോഗാര്‍ത്ഥികള്‍, ബിരുദധാരികള്‍ എന്നിവരെ ഉള്‍ക്കാള്ളിച്ചാണ് സര്‍വേ നടത്തിയത്. കാലവും ലോകവും സാങ്കേതിക വിദ്യകളും അനുസരിച്ച് മാറാനുള്ള മനോഭാവം തൊഴിലുടമകളുടെ ഭാഗത്ത് നിന്ന് ഉണ്ടാകുന്നുവെന്ന് റിപ്പോര്‍ട്ട് വ്യക്തമാക്കി. ജോലി വിപണിയില്‍ നിലവിലുള്ള പ്രതീക്ഷകളും തൊഴിലുടമകള്‍ ഏത് തരം കഴിവുകളാണ് പ്രധാനമായി തിരയുന്നതെന്നതും സര്‍വേ ചൂണ്ടിക്കാട്ടുന്നു.

A recent survey reveals the top 10 qualities Bahrain employers seek in job candidates — from communication skills to emotional intelligence and digital literacy. Develop these traits to boost your chances of employment in Bahrain.