ഗൂഡല്ലൂര്‍: മത സാമൂഹിക രാഷ്ട്രീയ രംഗത്ത് നാലു പതിറ്റാണ്ട് കാലം വ്യക്തിമുദ്ര പതിപ്പിച്ച കെ.പി മുഹമ്മദ് ഹാജിയെ ആദരിക്കാന്‍ സമസ്ത ജില്ലാ കമ്മിറ്റി തീരുമാനിച്ചു. ഒക്ടോബര്‍ രണ്ടിന് നടക്കുന്ന സമസ്ത പ്രസിഡന്റ് കുമരംപുത്തൂര്‍ മുഹമ്മദ് മുസ്‌ലിയാര്‍, ജന.സെക്രട്ടറി പ്രഫ. ആലികുട്ടി മുസ്‌ലിയാര്‍ എന്നിവര്‍ക്കുള്ള സ്വീകരണ സമ്മേളനത്തില്‍ മുഹമ്മദ് ഹാജിക്ക് ഉപഹാരം നല്‍കി ആദരിക്കും.
മദ്‌റസാ മാനേജ്‌മെന്റ് അസോസിയേഷന്‍ സംസ്ഥാന വൈസ് പ്രസിഡന്റ്, സമസ്ത കേരള ഇസ്‌ലാമത വിദ്യാഭ്യാസ ബോര്‍ഡംഗം, പട്ടിക്കാട് ജാമിഅ നൂരിയ കമ്മിറ്റി അംഗം, സുന്നി മഹല്ലു ഫെഡറേഷന്‍, മുസ്‌ലിം ലീഗ് ജില്ലാ പ്രസിഡന്റ്, ഗൂഡല്ലൂര്‍ താലൂക്ക് മുസ്‌ലിം യതീംഖാന പ്രസിഡന്റ്, ശിഹാബ് തങ്ങള്‍ അറബിക് കോളജ് പ്രസിഡന്റ്, ഗൂഡല്ലൂര്‍ ടൗണ്‍ മഹല്ല് പ്രസിഡന്റ് എന്നീ നിലകളില്‍ പ്രവര്‍ത്തുക്കുന്നുണ്ട്. യോഗത്തില്‍ ഇമ്പിച്ചിക്കോയ തങ്ങള്‍ അധ്യക്ഷനായി. പി.കെ.എം ബാഖവി, എ.എം ശരീഫ് ദാരിമി, കെ.കെ സൈതലവി റഹ്മാനി, എം.സി സൈതലവി മുസ്‌ലിയാര്‍, സി.പി ശുഐബ് നിസാമി, എം മുജീബ് റഹ്മാന്‍ സംസാരിച്ചു.