കല്‍പ്പറ്റ: വയനാട് മുസ്‌ലിം ഓര്‍ഫനേജിന് കീഴില്‍ മാനന്തവാടി ജില്ലാ ആശുപത്രിക്കു സമീപം പ്രവര്‍ത്തിക്കുന്ന ബാഫഖി ഹോമിന്റെ ബലിപെരുന്നാള്‍ ക്യാംപയിന്‍ വിജയിപ്പിക്കുന്നതിനെ കുറിച്ച് ആലോചിക്കുന്നതിന് മാനന്തവാടിയിലെ വ്യാപാരികളുടെ സംഗമം ഇന്ന് രാത്രി എട്ടിന് മാനന്തവാടി ബാഫഖി ഹോമില്‍ നടക്കും. ജന.സെക്രട്ടറി എം.എ മുഹമ്മദ് ജമാല്‍ ഉദ്ഘാടനം ചെയ്യും. പ്രസിഡന്റ് കെ.കെ അഹമ്മദ് ഹാജി അധ്യക്ഷനാവും. എം.കെ അബൂബക്കര്‍ ഹാജി, പി.പി അബ്ദുല്‍ഖാദര്‍, മായന്‍ മണിമ, മുഹമ്മദ് ഷാ മാസ്റ്റര്‍, കക്കോടന്‍ മുഹമ്മദ്, വി.പി.എ പൊയ്‌ലൂര്‍, വി അസൈനാര്‍ ഹാജി, നുച്യന്‍ നിസാര്‍ സംബന്ധിക്കും.
ജില്ലാ ആശുപത്രിയില്‍ പ്രവേശിപ്പിച്ച രോഗികള്‍ക്കും, പരിചാരകര്‍ക്കും പ്രഭാത ഭക്ഷണം, നിര്‍ധന രോഗികള്‍ക്ക് ചികിത്സ സഹായം, സ്ത്രീകള്‍ക്ക് നിസ്‌കാര- വിശ്രമ സൗകര്യം, നിര്‍ധനര്‍ക്ക് വസ്ത്രം, ആംബുലന്‍സ്, ഓക്‌സിജന്‍ സിലിണ്ടര്‍, ഫ്രീസര്‍, മരണാനന്തര ക്രിയകള്‍ തുടങ്ങിയ സേവനങ്ങളാണ് ബാഫഖിഹോം നടത്തുന്നത്. ക്യാംപയിന്‍ പ്രവര്‍ത്തനങ്ങള്‍ക്കായി സി.എച്ച് അബ്ദുറഹിമാന്‍ ചെയര്‍മാനും, ചായപേരി മൊയ്തീന്‍ഹാജി കണ്‍വീനറുമായി കമ്മിറ്റി നിലവില്‍ വന്നു.