ഐപിഎൽ ചരിത്രത്തിലെ എക്കാലത്തെയും മികച്ച ഇലവനെ തെരഞ്ഞെടുത്തിരിക്കുകയാണ് മുൻ ഓസ്‌ട്രേലിയൻ വിക്കറ്റ് കീപ്പർ ആദം ഗിൽക്രിസ്റ്റ്. ക്രിക് ബസിലൂടെയായിരുന്നു മുൻ ഓസീസ് താരത്തിന്റെ തെരഞ്ഞെടുപ്പ്. ചെന്നി സൂപ്പർ കിങ്‌സ് നായകൻ എംഎസ് ധോണിയെയാണ് ഗിൽക്രിസ്റ്റ് തന്റെ ടീമിന്റെ ക്യാപ്റ്റനായി തെരഞ്ഞെടുത്തത്. 

മുൻ ഓസ്‌ട്രേലിയൻ വിക്കറ്റ് കീപ്പർ ആദം ഗിൽക്രിസ്റ്റ് അടുത്തിടെ തന്റെ എക്കാലത്തെയും മികച്ച ഐപിഎൽ ഇലവനെ തിരഞ്ഞെടുത്തു. എന്നിരുന്നാലും, കിരീടം ഉയർത്തിയ കളിക്കാരെ അദ്ദേഹം പരിഗണിച്ചു. ക്രിക്ക്ബസിൽ അദ്ദേഹം തന്റെ ചാമ്പ്യൻസ് ഇലവൻ വെളിപ്പെടുത്തി. ക്യാപ്റ്റനായി ചെന്നൈക്ക് അഞ്ചു കിരീടങ്ങളാണ് ധോണി നേടികൊടുത്തിട്ടുള്ളത്.

ടീമിൽ ധോണിക്ക് പുറമെ ആറ് ഇന്ത്യൻ താരങ്ങളും ടീമിൽ ഇടം നേടി. മുംബൈ ഇന്ത്യൻസിനായി അഞ്ചു കിരീടങ്ങൾ സ്വന്തമാക്കിയ രോഹിത് ശർമയും ടീമിൽ ഇടം പിടിച്ചു. ചെന്നൈയുടെ എക്കാലത്തെയും മികച്ച താരങ്ങളായ രവീന്ദ്ര ജഡേജ, സുരേഷ് റെയ്‌ന എന്നിവരും ടീമിൽ ഇടം നേടി. 

മുംബൈയിൽ നിന്നും രോഹിത്തിന് പുറമെ കീറോൺ പൊള്ളാർഡ്, സൂര്യകുമാർ യാദവ്, ലസിത് മലിംഗ, ജസ്പ്രീത് ബുംറ എന്നീ താരങ്ങളും ഗിൽക്രിസ്റ്റിന്റെ ടീമിൽ ഇടം നേടി. കൊൽക്കത്ത നൈറ്റ് റൈഡേഴ്സിന്റെ വെസ്റ്റ് ഇൻഡീസ് ഓൾ റൗണ്ടർ സുനിൽ നരെയ്‌നും സൺറൈസേഴ്‌സ് ഹൈദരാബാദിനെ ആദ്യ ഐപിഎൽ കിരീടത്തിലേക്ക് നയിച്ച ഡേവിഡ് വാർണറും ടീമിൽ ഇടം നേടി. ഇന്ത്യൻ പേസർ ഭുവനേശ്വർ കുമാറും ടീമിൽ ഇടം നേടി. 

എന്നാൽ ഐപിഎല്ലിലെ ഏറ്റവും മികച്ച റൺ വേട്ടക്കാരിൽ ഒരാളായ റോയൽ ചലഞ്ചേഴ്‌സ് ബെംഗളൂരുവിന്റെ വിരാട് കോഹ്‌ലിക്ക് ടീമിൽ ഇടം നേടാൻ സാധിച്ചില്ല. ഐപിഎല്ലിൽ 8500ലധികം റൺസാണ് കോഹ്‌ലി നേടിയിട്ടുള്ളത്. ഈ സീസണിലും മികച്ച ഫോമിലാണ് കോഹ്‌ലി കളിക്കുന്നത്. 11 ഇന്നിംഗ്സുകളിൽ നിന്നും 505 റൺസ് ആണ് താരം നേടിയിട്ടുള്ളത്. ഈ സീസണിൽ ഏഴ് അർദ്ധ സെഞ്ച്വറികളും കോഹ്‌ലി സ്വന്തമാക്കിയിട്ടുണ്ട്. 63.12 എന്ന മികച്ച ആവറേജിലും 143.46 സ്ട്രൈക്ക് റേറ്റിലും ആണ് വിരാട് ബാറ്റ് വീശിയത്.

ആദം ഗിൽക്രിസ്റ്റിന്റെ എക്കാലത്തെയും മികച്ച ഐപിഎൽ ഇലവൻ

എംഎസ് ധോണി (ക്യാപ്റ്റൻ), രോഹിത് ശർമ, ഡേവിഡ് വാർണർ, സുരേഷ് റെയ്ന, സൂര്യകുമാർ യാദവ്, കീറോൺ പൊള്ളാർഡ്, സുനിൽ നരെയ്ൻ, രവീന്ദ്ര ജഡേജ, ജസ്പ്രീത് ബുംറ, ലസിത് മലിംഗ, ഭുവനേശ്വർ കുമാർ.

Former Australian wicketkeeper Adam Gilchrist has picked the best XI in IPL history