ദുബൈ: അൽ ഐനിലെ ചില ഭാഗങ്ങളിൽ ഇന്ന് വൈകുന്നേരം കനത്തതോ മിതമായതോ ആയ മഴ പെയ്തു. കാലാവസ്ഥാ നിരീക്ഷണ കേന്ദ്രത്തിന്റെ പ്രവചന പ്രകാരം ഇന്ന് രാത്രിയും മേഘാവൃതമായ കാലാവസ്ഥ തുടരും. യുഎഇയുടെ തെക്ക്-പടിഞ്ഞാറൻ പ്രദേശങ്ങളിൽ റെ‍ഡ് അലേർട്ട് പ്രഖ്യാപിച്ചിട്ടുണ്ട്. അൽ ഐനിലെ മഴയുടെ ദൃശ്യങ്ങൾ പകർത്തിയ ഒരു വീഡിയോ storm_ae എന്ന ഇൻസ്റ്റാഗ്രാം അക്കൗണ്ടിൽ  പങ്കുവെച്ചിട്ടുണ്ട്. 

അതേസമയം, അൽ ഐനിലെ ഖതാൻ അൽ ശിഖ്ല, സാഅ്, മെസ്യാദ്, ഉം ഗഫ എന്നിവിടങ്ങളിൽ നേരിയതോ മിതമായതോ ആയ മഴ ലഭിച്ചതായി കാലാവസ്ഥാ ബ്യൂറോ റിപ്പോർട്ട് ചെയ്തു.  മഴക്കാലമായതിനാൽ വാഹനമോടിക്കുന്നവർ ജാഗ്രത പാലിക്കണമെന്ന് അബൂദബി പൊലിസ് അറിയിച്ചു. ഇലക്ട്രോണിക് ഇൻഫർമേഷൻ ബോർഡുകളിൽ പ്രദർശിപ്പിച്ചിരിക്കുന്ന മാറിക്കൊണ്ടിരിക്കുന്ന വേഗപരിധികൾ പാലിക്കാൻ അബൂദബി പൊലിസ് ഡ്രൈവർമാർക്ക് നിർദേശം നൽകി. 

⁧#عاجل⁩ | #تنبيه #العين#شرطةأبوظبي⁩ تدعو السائقين إلى توخي الحذر بسبب ⁧الأحوال الجوية⁩ الماطرة، والالتزام بالسرعة المتغيرة الظاهرة على الشواخص واللوحات الارشادية الالكترونية مع تمنياتنا لكم بالسلامة. pic.twitter.com/vAYWlrmloG

— شرطة أبوظبي (@ADPoliceHQ) May 20, 2025

അതേസമയം, രാജ്യത്തിന്റെ മറ്റ് ഭാഗങ്ങളിൽ വളരെ ഈർപ്പമുള്ള കാലാവസ്ഥയാണ് അനുഭവപ്പെട്ടത്. കാലാവസ്ഥാ കേന്ദ്രം പറയുന്നത് അനുസരിച്ച്, ഈ ആഴ്ച ആപേക്ഷിക ആർദ്രത 85 മുതൽ 90 ശതമാനം വരെ എത്തുമെന്ന് പ്രതീക്ഷിക്കുന്നു. ഇന്ന് ഉച്ചകഴിഞ്ഞ് പരമാവധി താപനില 48°C ആയി രേഖപ്പെടുത്തി. അൽ ഐനിലും പരിസര പ്രദേശങ്ങളിലും ബുധനാഴ്ച മുതൽ വെള്ളിയാഴ്ച വരെ മേഘാവൃതവും പൊടിപടലവുമുള്ള കാലാവസ്ഥ പ്രതീക്ഷിക്കുന്നതായി കാലാവസ്ഥാ കേന്ദ്രം അറിയിച്ചു.

The UAE's National Center of Meteorology has issued a red alert for heavy rainfall in Al Ain and southwestern regions, warning of potential thunderstorms and unstable weather. Abu Dhabi Police have urged drivers to exercise extreme caution, avoid flooded areas, and follow safety guidelines.