മുട്ടില്‍: കാറുകള്‍ കൂട്ടിയിടിച്ച് അഞ്ചുപേര്‍ക്ക് പരുക്ക്. തിരുവനന്തപുരം, ഒറീസ സ്വദേശികള്‍ക്കാണ് പരുക്കേറ്റത്. ഇന്നലെ രാവിലെ ഒന്‍പതരയോടെ മുട്ടിലിന് സമീപത്താണ് അപകടം നടന്നത്.
സുല്‍ത്താന്‍ ബത്തേരി ഭാഗത്തേക്ക് പോകുകയായിരുന്ന തിരുവനന്തപുരം സ്വദേശികള്‍ സഞ്ചരിച്ച കാറും ഒറീസയില്‍ നിന്നും വിനോദയാത്രക്കെത്തിയവര്‍ സഞ്ചരിച്ച ഇന്നോവകാറുമാണ് അപകടത്തില്‍ പെട്ടത്. തിരുവനന്തപുരം സ്വദേശികളായ സായ്‌രാജ്, അഭിലാഷ്, ഒറീസ സ്വദേശികളായ അലോക്, സുശാന്ത്, മഞ്ജുനാഥ് എന്നിവര്‍ക്കാണ് പരുക്കേറ്റത്.
പരുക്കേറ്റവരെ കല്‍പ്പറ്റയിലെ സ്വകാര്യ ആശുപത്രിയിലും തുടര്‍ന്ന് കോഴിക്കോട് മെഡിക്കല്‍ കോളജിലും പ്രവേശിപ്പിച്ചു.