കല്‍പ്പറ്റ (വയനാട്): വാഹനം ഓടിക്കുന്നതിനിടെ മൊബൈല്‍ ഫോണില്‍ സംസാരിച്ചതായി ആരോപിച്ച് മലപ്പുറം സ്വദേശിയായ യുവാവിനെ ട്രാഫിക് പൊലീസ് ബലം പ്രയോഗിച്ച് കസ്റ്റഡിയിലെടുത്തു. പിഴ അടക്കേണ്ടതിനെ ചൊല്ലിയുള്ള തർക്കത്തിനിടെ യുവാവിനെ ബലമായി കസ്റ്റഡിയിലെടുക്കുകയും അദ്ദേഹത്തിന്റെ ഇന്നോവ കാറും പൊലീസ് പിടിച്ചെടുത്തു.

യുവാവ് ബ്ലൂടൂത്ത് വഴിയാണ് ഫോണിൽ സംസാരിച്ചതെന്നാണ് പറയുന്നത്. എന്നാല്‍ കല്‍പ്പറ്റ ട്രാഫിക് എസ്‌ഐ വി.പി ആന്റണിയുടെ നേതൃത്വത്തിൽ നടത്തിയ ഇടപെടലിനിടെ തർക്കം വഷളാകുകയായിരുന്നു. തുടര്‍ന്ന് പൊലിസ് ബലംപ്രയോഗിച്ച് യുവാവിനെ കസ്റ്റഡിയിൽ എടുത്തത് സംഘര്‍ഷത്തിന് വഴിവെച്ചു.

സംഭവസമയത്ത് എസ്ഐയോടും യുവാവിനുമിടയിൽ നടന്ന തർക്കം സംബന്ധിച്ച ദൃശ്യങ്ങൾ സോഷ്യൽ മീഡിയയിൽ പ്രചരിക്കുകയാണ്. "മലപ്പുറത്തെ അഭ്യാസം ഇവിടെ വേണ്ട" എന്നാണ് എസ്‌ഐ പറയുന്നത് വീഡിയോയിൽ കേൾക്കാം. ഇതോടെയാണ് വിവാദം കൂടുതല്‍ കടുത്തത്.

പോലീസ് വാഹനം കസ്റ്റഡിയിലെടുത്തു കൊണ്ടുപോകുന്നതിനിടെ ഒരു ഓട്ടോറിക്ഷയിൽ തട്ടിയതും തർക്കം കടുക്കാൻ കാരണമായി. പിന്നീട് യുവാവിനെ അറസ്റ്റ് രേഖപ്പെടുത്തിയ ശേഷം ജാമ്യത്തിൽ വിട്ടയച്ചതായി പൊലീസ് അറിയിച്ചു.

A youth from Malappuram was taken into custody by Kalpetta traffic police after an argument over using a phone while driving. The youth claimed he was on Bluetooth, but police insisted on a fine. The incident escalated, leading to the use of force, vehicle seizure, and temporary arrest. A video of the police saying "Malappuram behaviour not needed here" sparked public outrage. The youth was later released on bail.