ദുബൈ: ക്രിക്കറ്റ് ലോകത്തെ ഞെട്ടിച്ച് ബംഗ്ലാദേശിനെതിരായ ടി20 പരമ്പര സ്വന്തമാക്കിയിരിക്കുകയാണ് യുഎഇ. മൂന്നാം മത്സരത്തില്‍ ഏഴു വിക്കറ്റ് നേട്ടത്തോടെയാണ് യുഎഇ പരമ്പര കൈപ്പിടിയില്‍ ഒതുക്കിയത്. 

മത്സരത്തില്‍ ആദ്യം ബാറ്റു ചെയ്ത ബംഗ്ലദേശ് ടീമിന് നിശ്ചിത 20 ഓവറില്‍ 9 വിക്കറ്റു നഷ്ടത്തില്‍ 162 റണ്‍സേ എടുക്കാന്‍ ആയുള്ളൂ. മറുപടി ബാറ്റിംഗില്‍ 19.1 ഓവറിലാണ് യുഎഇ ലക്ഷ്യത്തില്‍ എത്തിയത്. അഞ്ചു പന്തു ബാക്കി നില്‍ക്കേയായിരുന്നു യുഎഇയുടെ ചരിത്ര ജയം.

യുഎഇയോട് ടി20 പരമ്പര അടിയറ വെക്കുന്ന ടെസ്റ്റ് പദവിയുള്ള ആദ്യ ടീമെന്ന റെക്കോര്‍ഡ് ഇതോടെ ബംഗ്ലാദേശിന്റെ പേരിലായി. 

യഥാര്‍ത്ഥത്തില്‍ 2 മത്സരങ്ങളേ പരമ്പരയില്‍ ഉണ്ടായിരുന്നുള്ളൂ. എന്നാല്‍ ഒരു മത്സരം കൂടി വേണമെന്ന് ബംഗ്ലാദേശ് ക്രിക്കറ്റ് ബോര്‍ഡ് യുഎഇയോട് ആവശ്യപ്പെടുകയായിരുന്നു. ബംഗ്ലാദേശിന്റെ പാകിസ്ഥാന്‍ പര്യടനത്തില്‍ തീരുമാനം ആകാത്തതോടെ ബംഗ്ലോദേശ് ടീം യുഎഇയില്‍ തന്നെ ഒരു മത്സരം കൂടി കളിക്കുകയായിരുന്നു. 

മൂന്നാം മത്സരത്തില്‍ ഓപ്പണര്‍ തൗഹീദ് ഹൃദോയും ജേകര്‍ അലിയുമാണ് തിളങ്ങിയത്. 18 പന്തില്‍ 40 റണ്‍സെടുത്ത ഹൃദോയ് മിന്നും തുടക്കമാണ് നല്‍കിയത്. എന്നാല്‍ മറുപടി ബാറ്റിംഗിന് ഇറങ്ങിയ യുഎഇക്കായി അലിഷാന്‍ ഷറഫു ഹാഫ് സെഞ്ച്വറിയുമായി തിളങ്ങി. 47 പന്തുകളില്‍ നിന്നും മൂന്ന് സിക്‌സുകളും അഞ്ച് ഫോറുകളും സഹിതം അലിഷാന്‍ 68 റണ്‍സ് നേടി.  

The UAE secured a dominant T20 series win over Bangladesh, delivering a record-breaking defeat that many anticipated. Here’s how the matches unfolded.