തിരൂരങ്ങാടി: സ്‌ളാബിടാത്ത ഓടകള്‍ കൊതുകുവളര്‍ത്തുകേന്ദ്രമായി മാറുന്നു.  തിരൂരങ്ങാടി താലൂക്ക് ആശുപത്രിയുടെ ഓഫിസിന്റെയും  ഒ. പി ടിക്കറ്റ് കൗണ്ടറിന്റെയും പിറകുവശത്താണ്  ഓടകള്‍ സ്ലാബ് ഇടാതെ തുറന്നു കിടക്കുന്നത്. ഇതോടെ ആശുപത്രിയില്‍ കൊതുകുശല്യം രൂക്ഷമായി. സംഭവത്തില്‍ ആശുപത്രിയില്‍ കഴിയുന്നവരും പ്രദേശവാസികളും പലതവണ അധികാരികളുടെ ശ്രദ്ധയില്‍പ്പെടുത്തിയിട്ടും നടപടിയില്ലെന്നു പരാതിയുണ്ട്. ദിനംപ്രതി 1800ലധികം രോഗികളാണ് ഇവിടെ ചികിത്സ തേടിയെത്തുന്നത്.  ഉടന്‍തന്നെ ഓടകള്‍  സ്ലാബിട്ടുമൂടി പ്രശ്‌നങ്ങള്‍ക്കു പരിഹാരം കാണണമെന്നാണു രോഗികളുടെയും  നാട്ടുകാരുടെയും  ആവശ്യം.