ഫുട്ബോളിൽ താൻ നേടിയ ഗോളുകളിൽ ഏറ്റവും പ്രിയപ്പെട്ട ഗോൾ ഏതാണെന്ന് തുറന്ന് പറഞ്ഞിരിക്കുകയാണ് അർജന്റൈൻ ഇതിഹാസം ലയണൽ മെസി. 2009 ചാമ്പ്യൻസ് ലീഗ് ഫൈനലിൽ മാഞ്ചസ്റ്റർ യുണൈറ്റഡിനെതിരെ നേടിയ ഗോളിനെക്കുറിച്ചാണ് മെസി സംസാരിച്ചത്. നിരവധി പ്രധാനപ്പെട്ട ഗോളുകൾ താൻ നേടിയിട്ടുണ്ടെങ്കിലും റെഡ് ഡെവിൾസിനെതിരെയുള്ള ഗോൾ വേറിട്ടുനിൽക്കുന്നതാണെന്നുമാണ് മെസി പറഞ്ഞത്. ഇന്റർ മയാമി തങ്ങളുടെ സോഷ്യൽ മീഡിയയിൽ പങ്കിട്ട വിഡിയോയിലൂടെയാണ് മെസി ഇക്കാര്യം പറഞ്ഞത്. 

"ഇതിനേക്കാൾ മനോഹരവും വിലപ്പെട്ടതുമാകാൻ സാധ്യതയുള്ള നിരവധി ഗോളുകൾ ഞാൻ നേടിയിട്ടുണ്ട്.എന്നാൽ ചാമ്പ്യൻസ് ലീഗ് ഫൈനലിൽ മാഞ്ചസ്റ്റർ യുണൈറ്റഡിനെതിരെ നേടിയ ഹെഡ്ഡർ ഗോൾ എപ്പോഴും എനിക്ക് പ്രിയപ്പെട്ടതാണ്" മെസി പറഞ്ഞു. 

മത്സരത്തിൽ രണ്ടാം പകുതിയിൽ ആണ് മെസി മാഞ്ചസ്റ്റർ യൂണൈറ്റഡിനെതിരെ ഗോൾ നേടിയത്. മത്സരത്തിൽ എതിരില്ലാത്ത രണ്ട് ഗോളുകൾക്കായിരുന്നു ബാഴ്സലോണ വിജയിച്ചത്. സാമുവൽ എറ്റോയുടെ വകയായിരുന്നു ആദ്യ ഗോൾ നേടിയത്. 

നിലവിൽ മെസി അമേരിക്കൻ ക്ലബ് ഇന്റർ മയാമിയുടെ താരമാണ്. 2023ലാണ് മെസി പാരീസ് വിട്ട് മേജർ ലീഗിലേക്ക് പോയത്. മെസിയുടെ വരവോടെ ഇന്റർ മയാമി വേണ്ടി മിന്നും പ്രകടനമാണ് നടത്തിയിരുന്നത്. ക്ലബ്ബിന്റെ ചരിത്രത്തിൽ ഇതുവരെ ഇല്ലാതിരുന്ന ലീഗ്‌സ് കപ്പ് കിരീടവും മെസിയുടെ നേതൃത്വത്തിൽ ആണ് മയാമി സ്വന്തമാക്കിയത്. ഇതിന് പുറമെ സപ്പോർട്ടേഴ്‌സ് ഷീൽഡും മയാമി സ്വന്തമാക്കി. 

ഇന്റർ മയാമിക്കൊപ്പമുള്ള ലയണൽ മെസിയുടെ കരാർ 2026ലാണ് അവസാനിക്കുന്നത്. എന്നാൽ ഇതിനു ശേഷം മെസി അമേരിക്കൻ ക്ലബ്ബിനൊപ്പമുള്ള തന്റെ കരാർ പുതുക്കുമോയെന്നാണ് ആരാധകർ ഉറ്റുനോക്കിയിരുന്നത് ഇതിനെ സംബന്ധിച്ചുള്ള ഏറ്റവും പുതിയ റിപ്പോർട്ടും പുറത്തുവന്നിരുന്നു. മെസി ഇന്റർ മയാമിക്കൊപ്പം മെസി മറ്റൊരു സീസണിലേക്കുള്ള പുതിയ കരാറിൽ ഒപ്പുവെക്കുമെന്നാണ് റിപ്പോർട്ടുകൾ സൂചിപ്പിക്കുന്നത്. 

Argentine legend Lionel Messi has revealed which of his favorite goals he has scored in football is his