തളിപ്പറമ്പ്: കുപ്പം പുഴയില്‍ കുറ്റ്യേരി പാലത്തിനു സമീപം കൂട്ടുകാരോടൊത്തു കുളിക്കാനിറങ്ങിയ യുവാവിനെ കാണാതായി. മുക്കുന്ന് സ്വദേശി എം.എ അഷ്‌റഫിനെയാണ്(30) കാണാതായത്. ഇന്നലെ വൈകുന്നേരം നാലോടെയായിരുന്നു സംഭവം. നീന്തല്‍ പരിശീലനത്തിനുപയോഗിക്കുന്ന ടയര്‍ട്യൂബ് വെള്ളത്തില്‍ ഒഴുകിപ്പോയത് എടുക്കാന്‍ നീന്തിയ അഷറഫ് മുങ്ങിത്താഴുകയായിരുന്നു.
കൂടെയുള്ളവരുടെ ബഹളം കേട്ട് ഓടിയെത്തിയ നാട്ടുകാര്‍ വിവരമറിയിച്ചതനുസരിച്ച് സ്ഥലത്തെത്തിയ പരിയാരം പൊലിസും തളിപ്പറമ്പില്‍ നിന്ന് അസി.സ്റ്റേഷന്‍ ഓഫിസര്‍ പ്രേമരാജന്‍ കക്കാടിയുടെ നേതൃത്വത്തില്‍ എത്തിയ അഗ്നിശമനസേനയും രാത്രി എട്ടുവരെ തെരച്ചില്‍ നടത്തിയെങ്കിലും കണ്ടെണ്ടത്താനായില്ല.  
വെളിച്ചക്കുറവിനെ തുടര്‍ന്ന് രാത്രിയോടെ തെരച്ചില്‍ അവസാനിപ്പിക്കുകയായിരുന്നു. ആഴങ്ങളില്‍ തെരച്ചില്‍ നടത്തുന്നതിനുള്ള വിദഗ്ധ സംഘത്തെ കണ്ണൂരില്‍ നിന്നെത്തിച്ച്  ഇന്നു രാവിലെ തിരച്ചില്‍ വീണ്ടണ്ടും തുടരുമെന്ന്  പൊലിസ്  അറിയിച്ചു. തളിപ്പറമ്പ് എം.എല്‍.എ ജയിംസ് മാത്യുവും ജില്ലാ പഞ്ചായത്ത് പ്രസിഡണ്ടന്റ് കെ.വി സുമേഷും സ്ഥലത്തെത്തിയിരുന്നു.