പാനൂര്‍: ചെണ്ടണ്ടയാട് കിഴക്കുവയല്‍ അടച്ചിട്ട വീടിന്റെ പുകക്കുഴലില്‍ സൂക്ഷിച്ച ബോംബ് പൊട്ടി വിദ്യാര്‍ഥിക്കു പരുക്കേറ്റ സംഭവത്തില്‍ പാനൂര്‍ പൊലിസ് കേസെടുത്തു. പരുക്കേറ്റ പതിനൊന്നുകാരന്‍ ദേവനന്ദു കോഴിക്കോട് സ്വകാര്യ ആശുപത്രിയില്‍ സുഖം പ്രാപിച്ചു  വരികയാണ്. പ്രദേശത്തും ചുറ്റുപാടും ഇന്നലെ നടത്തിയ മിന്നല്‍ പരിശോധനയില്‍ ഒരു  ബോംബ് പൊലിസ് കണ്ടെത്തി. കള്ളുഷാപ്പ് അക്കാനിശ്ശേരി റോഡിലെ ആള്‍ത്താമസമല്ലാത്ത പറമ്പില്‍ നിന്നാണു ബോംബ് കണ്ടെത്തിയത്.പരിശോധന തുടരുമെന്ന് പൊലിസ് പറഞ്ഞു.