ഇരിട്ടി: മതം പഠിപ്പിക്കുന്നത് ഭീകരവാദമല്ലെന്നും സമാധാനമാണെന്നും കേരള വഖഫ് ബോര്‍ഡ് ചെയര്‍മാന്‍ പാണക്കാട് സയ്യിദ് റശീദലി ശിഹാബ് തങ്ങള്‍. മദ്‌റസകള്‍ മത വിജ്ഞാനം പകര്‍ന്ന് കൊടുക്കുന്ന ആത്മീയ കേന്ദ്രങ്ങളാണെന്നും അദ്ദേഹം ചൂണ്ടിക്കാട്ടി. പയഞ്ചേരി സിറാജുല്‍ ഇസ്‌ലം മദ്‌റസ കെട്ടിടം ഉദ്ഘാടനം നിര്‍വഹിച്ചു സംസാരിക്കുകയായിരുന്നു അദ്ദേഹം. മഹല്ല് പ്രസിഡന്റ് പി.വി അഹമദ് കുഞ്ഞി ഹാജി അധ്യക്ഷനായി. എന്‍ അബ്ദുല്‍ നാസര്‍ ഹാജി സ്വാഗതം പറഞ്ഞു. സമസ്ത ജില്ലാ സെക്രട്ടറി കെ.ടി അബ്ദുല്ല മൗലവി,  മുനിസിപ്പല്‍ ചെയര്‍മാന്‍ പി.പി അശോകന്‍, ഇബ്രാഹിം മുണ്ടേണ്ടരി, പി.എ നസീര്‍, സഈദ് ഫൈസി ഇര്‍ഫാനി, അബ്ദുല്ല ഹാജി, യാഅ്കൂബ് ഹാജി കാവുംപടി,റിയാദ് കാവുംപടി അബ്ദുറഹ്മാന്‍ ഹാജി ആറളം മുഷ്താഖ് ഹുസൈന്‍ ആസ്സാം സംസാരിച്ചു.