ഇടുക്കി: തൊടുപുഴയിൽ 95 വയസ്സുള്ള മുത്തശിയെ ശ്വാസം മുട്ടിച്ച്  സ്വർണ മാല കവർന്ന കൊച്ചുമകൻ അറസ്റ്റിൽ. അടിമാലിക്ക് സമീപം മച്ചിപ്ലാവ് പുളിക്കൽ മേരിയുടെ ആഭരണമാണ് കവർന്നത്. സംഭവത്തിൽ അഭിലാഷിനെ പൊലിസ് അറസ്റ്റ് ചെയ്തു. 

കഴിഞ്ഞ ദിവസമാണ് സംഭവം നടന്നത്. മേരി മകനും ഭാര്യക്കും ഒപ്പമാണ് താമസിക്കുന്നത്. ഇവർ പള്ളിയിൽ പോയ സമയമായിരുന്നു സംഭവം നടന്നത്. കട്ടിലിൽ കിടന്ന മേരിയുടെ മുഖത്ത് അഭിലാഷ് തലയണ അമർത്തി പിടിച്ച ശേഷം കഴുത്തിലുള്ള രണ്ടര പവനോളം വരുന്ന മാല ബലമായി കവർന്നെടുക്കുകയായിരുന്നുവെന്നാണ് പൊലിസ് പറഞ്ഞത്.   

പള്ളയിൽ നിന്നും മകനും ഭാര്യയും തിരിച്ചെത്തിയപ്പോഴാണ് സംഭവത്തെക്കുറിച്ച് അറിയുന്നത്. ഉടൻ തന്നെ പൊലിസിൽ വിവരം അറിയിക്കുകയായിരുന്നു. ആദ്യ ഘട്ടത്തിൽ പ്രതി കുറ്റം സമ്മതിച്ചിരുന്നില്ല.

പിന്നീട് ടൗണിലെ ക്യാമറയിൽ നിന്നും കിട്ടിയ സൂചനയുടെ അടിസ്ഥാനത്തിൽ നടത്തിയ ചോദ്യം ചെയ്യലിൽ പ്രതി കുറ്റം സമ്മതിക്കുകയായിരുന്നു. അഭിലാഷ് ഇതിനു മുമ്പും ഇത്തരത്തിലുള്ള കേസുകളിൽ പെട്ടിട്ടുണ്ടെന്നും പൊലിസ് പറഞ്ഞു. സംഭവത്തിൽ മേരിയുടെ കഴുത്തിലും നെഞ്ചിൽ പരുക്ക് സംഭവിച്ചിട്ടുണ്ട്. പ്രതി നിലവിൽ റിമാൻഡിലാണ്. 

95-year-old grandmother choked to death in Thodupuzha robbed of gold necklace grandson arrested