നിലമ്പൂര്‍: മലപ്പുറം ജില്ല വിഭജിച്ച്, മലയോര മേഖല കേന്ദ്രീകരിച്ച് പുതിയ ജില്ല രൂപീകരിക്കണമെന്ന് പിവി അന്‍വര്‍. ഉപതെരഞ്ഞെടുപ്പിന് ശേഷം ജനങ്ങളുടെ കൂട്ടി തൃണമൂലിന്റെ നേതൃത്വത്തില്‍ പുതിയ ജില്ലക്കായി സമരം ആരംഭിക്കുമെന്നും പിവി അന്‍വര്‍ വ്യക്തമാക്കി. നിലമ്പൂരില്‍ മാധ്യമ പ്രവര്‍ത്തകരാണ് അന്‍വര്‍ ഇക്കാര്യം വ്യക്തമക്കിയത്.

'തിരുവമ്പാടി, ഏറനാട്, വണ്ടൂര്‍, നിലമ്പൂര്‍, കൊണ്ടോട്ടി, മഞ്ചേരി, പെരിന്തല്‍മണ്ണ എന്നീ പ്രദേശങ്ങള്‍ ഉള്‍പ്പെടുത്തി ഒരു മലയോര ജില്ല വേണം. കോഴിക്കോടിന്റെ ഭാഗമായ തിരുവമ്പാടിയെ ഇങ്ങോട്ട് ചേര്‍ക്കണം. അത് മലയോര മേഖലയാണ്,' അന്‍വര്‍ പറഞ്ഞു. 

യുഡിഎഫ്, എല്‍ഡിഎഫ് നേതൃത്വങ്ങള്‍ ജില്ല വിഭജിക്കാന്‍ തയ്യാറുണ്ടോയെന്ന് അന്‍വര്‍ പറഞ്ഞു. കിഴക്കന്‍ ഏറനാടിനായി പുതിയ ജില്ല രൂപീകരിക്കാനാണ് ആവശ്യം. 

ALSO READ: ഗസ്സയില്‍ അടിയന്തര വെടിനിര്‍ത്തല്‍ വേണമെന്ന യുഎന്‍ രക്ഷാസമിതി പ്രമേയം വീറ്റോചെയ്തു; വീണ്ടും അമേരിക്കയുടെ ഇരട്ടത്താപ്പ്; കടുത്ത വിമര്‍ശനവുമായി ചൈന 

മതിയായ വിദ്യാഭ്യാസ സ്ഥാപനങ്ങള്‍ ഇവിടെയുണ്ടോ? നിങ്ങളുടെ കുട്ടികള്‍ക്ക് പഠിക്കാന്‍ സാധിക്കുന്നുണ്ടോ ഇവിടെ. ജില്ല ആവശ്യവുമായി മുന്നോട്ട് പോവാനാണ് ഇന്നലെ ചേര്‍ന്ന മീറ്റിങ്ങില്‍ തീരുമാനിച്ചത്. തിരഞ്ഞെടുപ്പിന് ശേഷം ശക്തമായ പ്രതിഷേധം നടത്താനാണ് തീരുമാനം,' അന്‍വര്‍ കൂട്ടിച്ചേര്‍ത്തു.

PV Anwar demands new districts in kerala eastern Eranad region