ഡൽഹി: രാജ്യത്ത് കോവിഡ് കേസുകളിൽ വീണ്ടും വർധനവ്. കഴിഞ്ഞ 24 മണിക്കൂറിനിടെ ഏഴ് മരണമാണ് റിപ്പോർട്ട് ചെയ്തത്. ഇതോടെ ആക്റ്റീവ് കേസുകളുടെ എണ്ണം 4866 ആയി ഉയരുകയും ചെയ്തു. കേരളത്തിലും കോവിഡ് കേസുകൾ ഉയർന്നിട്ടുണ്ട്. 24 മണിക്കൂറിനിടെ കേരളത്തിൽ 114 കേസുകളാണ് റിപ്പോർട്ട് ചെയ്തത്. മഹാരാഷ്ട്രയിൽ മൂന്ന് മരണവും കർണാടക, ഡൽഹി എന്നിവിടങ്ങളിൽ രണ്ട് വീതം മരണങ്ങളും രേഖപ്പെടുത്തിയിട്ടുണ്ട്. 

രോഗികളുടെ എണ്ണം വർധിക്കുന്ന സാഹചര്യത്തിൽ സംസ്ഥാനങ്ങളോട് കേന്ദ്ര ആരോഗ്യമന്ത്രാലയം റിപ്പോർട്ട് തേടിയിട്ടുണ്ട്. ജൂൺ രണ്ടിനുള്ളിൽ റിപ്പോർട്ട് സമർപ്പിക്കുവാനാണ്  കേന്ദ്ര ആരോഗ്യമന്ത്രാലത്തിന്റെ നിർദേശം.

അടിസ്ഥാന സൗകര്യങ്ങൾ ഉറപ്പാക്കാനായി സംസ്ഥാനങ്ങൾ മോക്ക് ഡ്രില്ലുകൾ നടത്തണമെന്നും കേന്ദ്രം ആവശ്യപ്പെട്ടിട്ടുണ്ട്. പൊതുജനങ്ങൾ ജാഗ്രത പുലർത്തണമെന്നും ആരോഗ്യമന്ത്രാലയം അറിയിച്ചു.  

Covid cases rise in the country seven deaths in 24 hours