ബാങ്കോക്ക്: കൂളായി കടയിലേക്ക് കയറി ലഘുഭക്ഷണങ്ങൾ തിന്ന് മടങ്ങിയ കാട്ടാനയുടെ വീഡിയോ സോഷ്യൽ മീഡിയയിൽ വൈറലാകുന്നു. തായ്‌ലൻഡിലെ ഖാവോ യായ് ദേശീയ ഉദ്യാനത്തിന് സമീപമുള്ള ഒരു പലചരക്ക് കടയിലാണ് സംഭവമുണ്ടായത്. ജൂൺ 2-നാണ് 27 വയസ്സുള്ള കാട്ടാനയായ പ്ലായ് ബിയാങ് ലെക് കടയുടെ മുൻവശം തള്ളി അകത്ത് കടന്ന് ലഘുഭക്ഷണങ്ങൾ ഭക്ഷിച്ചത്.

സിസിടിവിയിൽ റെക്കോർഡ് ചെയ്ത ദൃശ്യങ്ങളിൽ, ആന പതിയെ ഫ്രിസർ നീക്കി കൗണ്ടറിലേക്കെത്തി, അവിടെ സൂക്ഷിച്ചിരുന്ന ബനാന ചിപ്സ്, മധുരപലഹാരങ്ങൾ, നിലക്കടല അടക്കമുള്ള ഏകദേശം പത്ത് പാക്കറ്റുകൾ എടുത്ത് കഴിച്ച് ആസ്വദിക്കുന്നതും കാണാം. 10 മിനിറ്റ് വരെ കടയ്ക്കകത്ത് ആന ഭക്ഷണം കഴിച്ചുനിന്നു.

കടയുടമ ഖാംപ്ലോയ് കകായോ ആനയെ ഓടിക്കാൻ ശ്രമിച്ചെങ്കിലും ആന അതിലൊന്നും ശ്രദ്ധിച്ചില്ല. “ആനയെ പലപ്പോഴും കടയുടെ പരിസരങ്ങളിൽ കാണാറുണ്ട്. പക്ഷേ, കടയ്ക്ക് ഉള്ളിലേയ്ക്കു കയറിയത് ഇത് ആദ്യമെന്നും ആന ശാന്തമായാണ് പെരുമാറിയത്,” ഖാംപ്ലോയ് പറഞ്ഞു.

ഇതോടെ സംഭവം സമൂഹമാധ്യമങ്ങളിൽ പ്രചരിക്കുകയായിരുന്നു. ആനയുടെ ഈ വീഡിയോ ദശലക്ഷക്കണക്കിന് ആളുകൾ കണ്ടിരിക്കുകയാണ്.

സംഭവത്തിന് പിന്നാലെ വനം വകുപ്പ് ഉദ്യോഗസ്ഥർ സ്ഥലത്തെത്തി, കടയുടമയ്ക്ക് നഷ്ടപരിഹാരമായി 800 ബാറ്റ് (ഏകദേശം 1800 രൂപ) നൽകി.

 

 

 

 

 

View this post on Instagram

 

 

 

 

 

 

 

 

 

 

 

A post shared by India Today (@indiatoday)

A 27-year-old wild elephant named Plai Biang Lek walked into a grocery store near Khao Yai National Park and calmly ate snacks including banana chips, peanuts, and sweets. The incident, caught on CCTV, shows the elephant gently pushing aside a freezer before helping itself to the food. The animal spent around 10 minutes inside the shop. Despite attempts by the shop owner to chase it away, the elephant remained undisturbed. The video has since gone viral on social media. Officials later compensated the shop owner with 800 Baht (approx. ₹1,800) for the lost goods.