അഹമ്മദാബാദ്: ബിജെ മെഡിക്കൽ കോളേജ് ഹോസ്റ്റലിൽ എയർ ഇന്ത്യ വിമാനം ഇടിച്ചിറങ്ങിയ ദാരുണ അപകടത്തിൽ അഞ്ച് വിദ്യാർത്ഥികൾ മരിച്ചതായി ഔദ്യോഗിക സ്ഥിരീകരണം. മരിച്ചവരിൽ നാല് പേരും എംബിബിഎസ് ബിരുദ വിദ്യാർത്ഥികളായയും ഒരാൾ പിജി റെസിഡന്റായും റിപ്പോർട്ടുകൾ വ്യക്തമാക്കുന്നു.

ദൃക്സാക്ഷികൾ പറയുന്നതു പ്രകാരം വിമാനം നേരിട്ട് ഹോസ്റ്റൽ കെട്ടിടത്തിന് മുകളിൽ വന്ന് പതിക്കുകയായിരുന്നു. ഏറ്റവുമധികം വിദ്യാർത്ഥികൾ ഹോസ്റ്റൽ മെസിലായിരുന്നു ആ സമയം.ഭക്ഷണം പാത്രങ്ങളിൽ എടുത്തു വെച്ച നിലയിൽ തന്നെ  പുറത്തുവന്ന ചിത്രങ്ങളിൽ കാണാം.

വിമാനം വന്നു പതിച്ചതിനെ തുടർന്ന് കെട്ടിടത്തിന്റെ വലിയൊരു ഭാഗം തകരുകയും തീപിടിക്കുകയും ചെയ്തു. പിന്നാലെ അഗ്നിശമന സേനയും രക്ഷാപ്രവർത്തകരും സംഭവസ്ഥലത്ത് എത്തി രക്ഷാപ്രവർത്തനത്തിന് നേതൃത്വം നൽകി. സംഭവസമയത്ത് ഹോസ്റ്റലിൽ ഉണ്ടായിരുന്ന മുപ്പതോളം വിദ്യാർത്ഥികൾക്ക് പരിക്കേറ്റതായും വളരെ പെട്ടെന്ന് ആശുപത്രിയിൽ പ്രവേശിപ്പിച്ചതായും പ്രാദേശിക മാധ്യമങ്ങൾ റിപ്പോർട്ട് ചെയ്യുന്നു.

വിമാനത്തിന്റെ വിവരങ്ങൾ:

വിമാനം ഉച്ചയ്ക്ക് 1.38ന് വിമാനത്താവളത്തിൽ നിന്ന് പറന്നുയർന്നു. പറന്നുയർന്നതിന് വെറും അഞ്ച് മിനിറ്റിനകം, 625 അടി ഉയരത്തിലെത്തിയതിനു ശേഷം വിമാനം തകരുകയായിരുന്നു. വിമാനത്തിൽ ആകെ 230 യാത്രക്കാരും 12 ക്രൂ അംഗങ്ങളും ഉണ്ടായിരുന്നു. ഇവരിൽ 11 കുട്ടികളും  കൈക്കുഞ്ഞുങ്ങളുമുണ്ട് ഉള്‍പ്പെടുന്നു.

വിമാനം പറന്നുയരുന്നതിനൊപ്പം തന്നെ അപായസന്ദേശം ലഭിച്ചിരുന്നതായും പിന്നീട് എയർ ട്രാഫിക് കൺട്രോൾ വഴി പൈലറ്റുമായി വീണ്ടും ബന്ധപ്പെടാൻ ശ്രമിച്ചുവെങ്കിലും വിജയിച്ചില്ലായിരുന്നെന്നും അധികൃതർ അറിയിച്ചു.

അന്വേഷണം ആരംഭിച്ചു:

സംഭവത്തെ തുടർന്നുള്ള അന്വേഷണത്തിന് ആഭ്യന്തര മന്ത്രാലയം ഉത്തരവിട്ടിട്ടുണ്ട്. സിവിൽ എവിയേഷൻ അധികൃതരും, എയർ ഇന്ത്യയും സംഭവത്തെ കുറിച്ച് വിശദമായ റിപ്പോർട്ട് തയ്യാറാക്കുന്നുണ്ട്. അതേസമയം, ഹോസ്റ്റലിൽ ഉണ്ടായ വൻനാശനഷ്ടവും വിദ്യാർത്ഥികളുടെ മരണവും രാജ്യത്താകെ  ഞെട്ടിച്ചിരിക്കുകയാണ്.നിലവിൽ രക്ഷാപ്രവർത്തനം തുടരുകയാണ്.

Tragedy in Ahmedabad as an Air India plane crashes into a medical college hostel, killing five students. The crash caused massive fire and injuries to several others.