തിരുവനന്തപുരം: അഹമ്മദാബാദ് വിമാന ദുരന്തത്തിൽ മരണമടഞ്ഞ മലയാളി രഞ്ജിത ജി. നായരെ അധിക്ഷേപിച്ച് സമൂഹ മധ്യത്തിൽ പോസ്റ്റിട്ട വെള്ളരിക്കുണ്ട് താലൂക്കിലെ ജൂനിയർ സൂപ്രണ്ട് എ. പവിത്രനെ സസ്‌പെന്റ് ചെയ്തതായി റവന്യൂ മന്ത്രി കെ. രാജൻ അറിയിച്ചു. ഹീനമായ നടപടിയാണ് ഡെപ്യൂട്ടി തഹസിൽദാരുടെ ഭാഗത്തു നിന്നും ഉണ്ടായതെന്ന് മന്ത്രി പറഞ്ഞു. പവിത്രൻ ഫേസ്‌ബുക്കിൽ ഇട്ട പോസ്റ്റ് ശ്രദ്ധയിൽപ്പെട്ട മന്ത്രി അടിയന്തിരമായി സസ്‌പെന്റ് ചെയ്യുവാൻ ഉത്തരവിടുകയായിരുന്നു.

വിവാദമായതോടെ പവിത്രൻ കമൻ്റ് പിൻവലിച്ചു. വിഷയത്തിൽ കൂടുതൽ നടപടി എടുക്കുന്നതിന് റവന്യൂ വകുപ്പ് കാസർകോട് ജില്ലാ കളക്ടറെ ചുമതലപ്പെടുത്തിയിട്ടുണ്ട്. പവിത്രൻ നേരത്തെയും സമൂഹമാധ്യമം വഴി അധിക്ഷേപം നടത്തിയതിന് സസ്‌പെൻഷൻ നടപടി നേരിട്ടിരുന്നു. കാഞ്ഞങ്ങാട് എംഎൽഎ ഇ ചന്ദ്രശേഖരനെതിരെയാണ് അന്ന് ഇയാൾ മോശം പരാമർശം നടത്തിയത്. ജോയിന്റ് കൗൺസിൽ മുൻ സംസ്ഥാന നേതാവാണ് ഇയാൾ. 

അതേസമയം, രഞ്ജിത ജി. നായരുടെ മൃതദേഹം ഡിഎൻഎ പരിശോധനയ്ക്ക് ശേഷം നാട്ടിലേയ്ക്ക് എത്തിക്കും. സഹോദരങ്ങളായ രഞ്ജിത്തും രതീഷും അഹമ്മദാബാദിലെ ആശുപത്രിയിലേക്ക് പോകും. തിരുവല്ല തഹസിൽദാറിൽ നിന്ന് രേഖകൾ കൈപ്പറ്റിയശേഷമായിരിക്കും അഹമ്മദാബാദിലേക്ക് യാത്ര തിരിക്കുക.

സർക്കാർ ജോലി ലഭിച്ചതിനെ തുടർന്ന് അതിൻ്റെ നടപടിക്രമങ്ങൾക്കായിട്ടായിരുന്നു രഞ്ജിത ലണ്ടനിൽ നിന്ന് നാട്ടിലെത്തിയത്. ലണ്ടനിൽ തിരികെയെത്തി നടപടിക്രമങ്ങൾ പൂർത്തിയാക്കി വീണ്ടും നാട്ടിലെത്തി സർക്കാർ ജോലിയിൽ പ്രവേശിക്കാനിരിക്കെയാണ് അപകടമുണ്ടായത്. അപകടത്തിൽ രഞ്ജിത ഉൾപ്പെടെ വിമാനത്തിൽ ഉണ്ടായിരുന്ന 241 പേരാണ് കൊള്ളപ്പെട്ടത്. ഒരാൾ മാത്രം അത്ഭുതകരമായി രക്ഷപ്പെട്ടു.

Revenue Minister K. Rajan has announced the suspension of A. Pavithran, a Junior Superintendent from Vellarikundu Taluk, for making an offensive social media post against Ranjitha G. Nair, a Malayali who died in the Ahmedabad plane crash. The minister stated that it was a highly inappropriate and disgraceful act on the part of the Deputy Tahsildar. Once Pavithran’s Facebook post came to the minister’s attention, immediate orders were issued to suspend him from service.