ചണ്ഡീഗഢ്: ഇന്ത്യന്‍ വ്യോമസേനയുടെ (ഐഎഎഫ്) അപ്പാച്ചി ഹെലികോപ്റ്ററുകളില്‍ ഒന്നിന് അടിയന്തര ലാന്‍ഡിംഗ്. പഞ്ചാബിലെ പത്താന്‍കോട്ട് ജില്ലയിലെ ഒരു ഗ്രാമത്തിലെ വയലിലാണ് സാങ്കേതിക തകരാറിനെ തുടര്‍ന്ന്  ഹെലികോപ്റ്റര്‍ അടിയന്തരമായി ഇറക്കിയത്. 

2019 സെപ്റ്റംബറില്‍ പത്താന്‍കോട്ടിലെ ഫോര്‍വേഡ് ബേസുകളിലൊന്നില്‍ ഇന്ത്യന്‍ വ്യോമസേന ഔപചാരികമായി ഉള്‍പ്പെടുത്തിയതിനുശേഷം പഞ്ചാബില്‍ യുഎസ് നിര്‍മ്മിത അപ്പാച്ചെ ഹെലികോപ്റ്ററിന്റെ രണ്ടാമത്തെ അടിയന്തര ലാന്‍ഡിംഗ് ആണിത്.

പ്രാഥമിക വിവരങ്ങള്‍ പ്രകാരം, ഹെലികോപ്റ്റര്‍ പത്താന്‍കോട്ട് വ്യോമതാവളത്തില്‍ നിന്നാണ് പറന്നുയര്‍ന്നത്. ആര്‍ക്കും ജീവഹാനി സംഭവിക്കുകയോ പരുക്കേല്‍ക്കുകയോ ചെയ്തിട്ടില്ല. പത്താന്‍കോട്ട് ജില്ലയിലെ നന്ഗല്‍ ഭൂര്‍ പൊലിസ് സ്റ്റേഷന്‍ പരിധിയിലാണ് ഈ പ്രദേശം. സുരക്ഷാ ഉദ്യോഗസ്ഥര്‍ പ്രദേശം വളഞ്ഞിരിക്കുകയാണ്.

AH-64ഇ എന്ന കോഡ്‌നാമത്തില്‍ അറിയപ്പെടുന്ന ഈ അപ്പാച്ചി ഹെലികോപ്റ്ററിന് ഏത് ദൗത്യത്തിനും ആവശ്യമായ വിപുലമായ കഴിവുകള്‍ ഉണ്ട്. 2019 സെപ്റ്റംബറില്‍ പത്താന്‍കോട്ട് വ്യോമതാവളത്തില്‍ ആദ്യ ബാച്ച് അപ്പാച്ചി ഹെലികോപ്റ്ററുകള്‍ വ്യോമസേനയുടെ ഇന്‍വെന്ററിയില്‍ ഔദ്യോഗികമായി ഉള്‍പ്പെടുത്തി. വ്യോമസേനയുടെ 'ഗ്ലാഡിയേറ്റേഴ്‌സ്' എന്നറിയപ്പെടുന്ന 125-ഹെലികോപ്റ്റര്‍ സ്‌ക്വാഡ്രണിന്റെ ഭാഗമാണിത്.

2016 ജനുവരിയില്‍ ഭീകരാക്രമണം നേരിട്ട പത്താന്‍കോട്ട് വ്യോമതാവളത്തിലാണ് ഈ നൂതന യുദ്ധവിമാനം വിന്യസിച്ചിരിക്കുന്നത്. യുദ്ധസമയത്തും സമാധാനകാലത്ത് നിരീക്ഷണത്തിനുമുള്ള വ്യോമസേനയുടെ തന്ത്രപ്രധാനമായ വ്യോമതാവളങ്ങളില്‍ ഒന്നാണ് ഇത്. വ്യോമസേന ഇതുവരെ ഈ സംഭവം ഔദ്യോഗികമായി സ്ഥിരീകരിച്ചിട്ടില്ല.

An Indian Air Force Apache helicopter made an emergency landing in a field in Punjab’s Pathankot district on Friday following a technical malfunction. The landing was carried out safely, and no casualties were reported, according to official sources.