യുഎസ്എ: ടി-20 ക്രിക്കറ്റിൽ പുതിയ ചരിത്രം കുറിച്ച് ന്യൂസിലാൻഡ് താരം ഫിൻ അലൻ. മേജർ ലീഗ് ക്രിക്കറ്റിൽ സൺ ഫ്രാൻസിസ്കോ യൂണികോൺസിന് വേണ്ടിയാണ് ഫിൻ അലൻ പുതിയ റെക്കോർഡ്‌ സൃഷ്ടിച്ചത്. വാഷിംഗ്ടൺ ഫ്രീഡത്തിനെതിരെയുള്ള മത്സരത്തിൽ സെഞ്ച്വറി നേടിയാണ് താരം തിളങ്ങിയത്. 51 പന്തിൽ 151 റൺസാണ് അലൻ അടിച്ചെടുത്തത്. 296.08 പ്രഹര ശേഷിയിൽ അഞ്ച് ഫോറുകളും 19 കൂറ്റൻ സിക്സുകളും അടങ്ങുന്നതായിരുന്നു താരത്തിന്റെ വെടിക്കെട്ട്‌ ഇന്നിംഗ്സ്. 

ഇതോടെ ടി ട്വന്റി ക്രിക്കറ്റിൽ ഒരു ഇന്നിംഗ്സിൽ ഏറ്റവും കൂടുതൽ സിക്സറുകൾ നേടുന്ന താരമെന്ന നേട്ടമാണ് അലൻ സ്വന്തമാക്കിയത്. മുൻ വെസ്റ്റ്‌ ഇൻഡീസ് താരം ക്രിസ് ഗെയ്ലിനെ മറികടന്നുകൊണ്ടാണ് അലൻ ഈ റെക്കോർഡ് തന്റെ പേരിൽ എഴുതി ചേർത്തത്. 2017ൽ ഒരു ടി-20 മത്സരത്തിൽ 17 സിക്സുകൾ ആയിരുന്നു ഗെയ്ൽ അടുത്തടുത്തത്. നീണ്ട എട്ടു വർഷങ്ങൾക്കുശേഷം ഈ റെക്കോർഡ് ന്യൂസിലാൻഡ് താരത്തിന്റെ മാസ്മരിക ഇന്നിങ്സോടെ തകർന്നുവീണിരിക്കുകയാണ്. 

മത്സരത്തിൽ 123 റൺസിന്റെ കൂറ്റൻ വിജയമാണ് സാൻ ഫ്രാൻസിസ്കോ സ്വന്തമാക്കിയത്. മത്സരത്തിൽ ആദ്യം ചെയ്ത സാൻഫ്രാൻസിസ്കോ അലന്റെ സെഞ്ച്വറി കരുത്തിൽ 20 ഓവറിൽ അഞ്ച് വിക്കറ്റ് നഷ്ടത്തിൽ  269 റൺസ് ആണ് നേടിയത്. വിജയലക്ഷം പിന്തുടർന്നിറങ്ങിയ വാഷിംഗ്ടൺ ഫ്രീഡം 13 പോയിന്റ് ഒരു ഓവറിൽ 146 റൺസിന് പുറത്താവുകയായിരുന്നു.

നിലവിൽ മേജർ ലീഗ് ക്രിക്കറ്റിന്റെ പോയിന്റ് പട്ടികയിൽ ഒന്നാം സ്ഥാനത്താണ് സാൻ ഫ്രാൻസിസ്‌കോ. ജൂൺ 15ന് എൽഎ നൈറ്റ് റൈഡേഴ്സിനെതിരെയാണ് സാൻ ഫ്രാൻസിസ്‌കോയുടെ അടുത്ത മത്സരം. അന്നേദിവസം തന്നെ നടക്കുന്ന മത്സരത്തിൽ സിയാറ്റിൽ ഓർക്കസിനെയാണ് വാഷിംഗ്ടൺ നേരിടുക. 

Finn Allen Create A New Historical Record In T20 Cricket