ടെഹറാന്‍/ലണ്ടന്‍: ഇസ്‌റാഈലും ഇറാനും തമ്മില്‍ പൊട്ടിപ്പുറപ്പെട്ട ആക്രമണങ്ങള്‍ക്കു പിന്നാലെ വ്യോമാതിര്‍ത്തി അടച്ച് മിഡില്‍ ഈസ്റ്റ് രാജ്യങ്ങള്‍. ജോര്‍ദാനും ഇറാഖുമാണ് ഒരിടവേളക്കു ശേഷം ഇരുരാജ്യങ്ങളും തമ്മിലുള്ള സംഘര്‍ഷം ആരംഭിച്ചതിനു പിന്നാലെ വ്യോമാതിര്‍ത്തി അടച്ചത്.

ALSO READ: ഇസ്റാഈൽ നടത്തിയ ഇറാൻ ആക്രമണത്തിനെതിരെ തുർക്കിയും അറബ് രാജ്യങ്ങളും രൂക്ഷ വിമർശനത്തോടെ രംഗത്ത്

ഇറാനിയന്‍ കേന്ദ്രങ്ങള്‍ക്ക് നേരെ ഇസ്‌റാഈല്‍ ആക്രമണം നടത്തിയതിനു പിന്നാലെ ആയിരക്കണക്കിന് വിമാനങ്ങള്‍ റദ്ദാക്കുകയോ വഴിതിരിച്ചുവിടുകയോ ചെയ്തുവെന്ന് അന്താരാഷ്ട്ര മാധ്യമങ്ങള്‍ റിപ്പോര്‍ട്ട് ചെയ്തു. ആക്രമണത്തെ തുടര്‍ന്ന് മിഡില്‍ ഈസ്റ്റില്‍ നിന്നുള്ള ഭൂരിഭാഗവും വിമാനസര്‍വീസുകളും റദ്ദു ചെയ്തു.

ലോകമെമ്പാടും സംഘര്‍ഷ മേഖലകള്‍ പെരുകുന്നത് വിമാന സര്‍വീസുകളുടെ പ്രവര്‍ത്തനങ്ങളിലും ലാഭക്ഷമതയിലും പ്രയാസങ്ങള്‍ സൃഷ്ടിക്കുന്നുവെന്ന് വ്യോമയാന മേഖലയിലെ വിദഗ്ധര്‍ അഭിപ്രായപ്പെട്ടു. ഇതിനുപുറമേ നിരന്തരം സംഘര്‍ഷങ്ങള്‍ ഉണ്ടാകുന്നത് സുരക്ഷാ പ്രശ്നങ്ങളും സൃഷ്ടിക്കുന്നു. വഴിതിരിച്ചുവിടലുകള്‍ വിമാനക്കമ്പനികളുടെ ഇന്ധനച്ചെലവ് വര്‍ധിപ്പിക്കുകയും യാത്രാ സമയം വര്‍ധിപ്പിക്കുകയും ചെയ്യുന്നു.

ഇറാന്റെ ആണവ കേന്ദ്രങ്ങള്‍, ബാലിസ്റ്റിക് മിസൈല്‍ ഫാക്ടറികള്‍, സൈനിക കമാന്‍ഡര്‍മാര്‍ എന്നിവരെ ലക്ഷ്യമിട്ട് വെള്ളിയാഴ്ച രാവിലെയാണ് ഇസ്‌റാഈല്‍ ആക്രമണം നടത്തിയത്. ഇറാന്‍ ആണവായുധം നിര്‍മ്മിക്കുന്നത് തടയുന്നതിനുള്ള ഒരു നീണ്ട ഓപ്പറേഷനായിരിക്കും ഇതെന്ന് ഇസ്‌റാഈല്‍ ആക്രമണത്തിനു പിന്നാലെ മുന്നറിയിപ്പ് നല്‍കിയിരുന്നു. ഇതിനു പിന്നാലെ കനത്ത തിരിച്ചടി ഇറാന്റെ ഭാഗത്തു നിന്നുമുണ്ടായിരുന്നു.

ALSO READ: ഇസ്റഈൽ- ഇറാൻ ആക്രമണങ്ങൾ മൂലം ആഗോള എണ്ണവില കുതിച്ച് കയറുമോ ?

ഇസ്‌റാഈല്‍ ആക്രമണത്തിനു പിന്നാലെ ടെല്‍ അവീവിലെ ബെന്‍ ഗുരിയോണ്‍ വിമാനത്താവളം അടച്ചുപൂട്ടി. ഇറാന്റെ തിരിച്ചടി ഏതുനിമിഷവും ഉണ്ടാകുമെന്ന ഭയത്തില്‍ മിക്ക ഇസ്‌റാഈല്‍ നേതാക്കളും നിലവില്‍ ബങ്കറുകളിലാണ്. ഇറാന്റെ തിരിച്ചടി പ്രതീക്ഷിച്ച് ഇസ്‌റാഈലിന്റെ വ്യോമ പ്രതിരോധ യൂണിറ്റുകള്‍ അതീവ ജാഗ്രതയിലാണ്. ഇരു രാജ്യങ്ങളും തമ്മിലുള്ള ആക്രമണത്തിനു പിന്നാലെ മധ്യപൂര്‍വ്വേഷ്യയിലെ വ്യോമഗതാഗതം താറുമാറായ നിലയിലാണ്.

In the wake of Israel's unprecedented airstrikes on Iran's nuclear and military facilities, Jordan and Iraq have closed their airspace to civilian flights. The closures have led to widespread flight cancellations and rerouting across the Middle East, affecting major airlines and stranding thousands of passengers. The situation remains fluid as regional tensions escalate.