കൊട്ടാരക്കര: കലയപുരം സങ്കേതത്തില്‍ ആശ്രയ മദര്‍തെരേസ പുരസ്‌കാര സമര്‍പ്പണവും അധ്യാപകരെ ആദരിക്കലും ഗാന്ധിയന്‍ ചൂളൂര്‍ ഭാസ്‌ക്കരന്‍ നായര്‍ നിര്‍വഹിച്ചു.
സമ്മേളനം വെട്ടിക്കവല ബ്ലോക്ക് പഞ്ചായത്ത് പ്രസിഡന്റ് ആര്‍. ദീപ ഉദ്ഘാടനം ചെയ്തു. മൈലം ഗ്രാമപഞ്ചായത്ത് പ്രസിഡന്റ് ഗിരിജ മുരളീധരന്‍ മദര്‍തെരേസയുടെ ഫോട്ടോ അനാച്ഛാദനം ചെയ്തു. ആശ്രയ പ്രസിഡന്റ് കെ. ശാന്തശിവന്‍ അധ്യക്ഷനായി. മൈലം ഗണേഷ്, സൂസമ്മാ ബേബി, എല്‍. ഉഷാകുമാരി, ജി. കുമാരന്‍, ഡി. മറിയാമ്മ ടീച്ചര്‍, പൂവറ്റൂര്‍ സുരേന്ദ്രന്‍, കലയപുരം ജോസ്, മത്തായി മരുതൂര്‍ എന്നിവര്‍ സംസാരിച്ചു. ഈ വര്‍ഷത്തെ മദര്‍തെരേസ പുരസ്‌ക്കാരം ചിന്നമ്മ ജോണിനും ആശ്രയ അധ്യാപക അവാര്‍ഡ് തോമസ് ജോണ്‍, പി.സി. ബാബുക്കുട്ടി, സൈമണ്‍ ബേബി, ലളിതമ്മ പി.ജി,തങ്കമണി എം.ആര്‍, രാജി ജെ.എസ്. എന്നിവര്‍ക്കും നല്‍കി.