പീരുമേട്: ഇടുക്കി പീരുമേട്ടില്‍ കാട്ടാന ആക്രമണത്തില്‍ ആദിവാസി സ്ത്രീ മരിച്ച സംഭവം കൊലപാതകമാണെന്ന് പൊലിസ്. മലമ്പണ്ടാര വിഭാഗത്തിലെ സീത (54) ആണ് കാട്ടാന ആക്രമണത്തില്‍ മരണപ്പെട്ടത്. സീതയുടെ പോസ്റ്റ് മോർട്ടത്തിന് പിന്നാലെയാണ് ഇത് കൊലപാതകം ആണെന്ന സംശയം പൊലിസിന് തോന്നിയത്.

സംഭവത്തിൽ സീതയുടെ ഭർത്താവ് ബിനുവിനെ പൊലിസ് ചോദ്യം ചെയ്തിരുന്നു. സീതയുടെ ശരീരത്തിൽ വന്യജീവി ആക്രമണത്തിന് ഇരയായതിന്റെ ലക്ഷണങ്ങൾ ഒന്നും ഉണ്ടായിരുന്നില്ലെന്നും റിപ്പോർട്ടുകൾ നിലനിന്നിരുന്നു. 

പീരുമേടിന് സമീപം വനത്തില്‍ വെച്ചാണ് സീതയെ കാട്ടാന ആക്രമിച്ചത്. വന വിഭവങ്ങള്‍ ശേഖരിക്കാന്‍ പോയപ്പോഴായിരുന്നു കാട്ടാന ആക്രമണം നടന്നത്. ഗുരുതരമായി പരുക്കേറ്റ ഇവരെ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.

Not a wild elephant attack death of tribal woman in Idukki suspected to be murder