മയാമി: ഫിഫ ക്ലബ് ലോകകപ്പ് ഫുട്‌ബോൾ ടൂർണമെന്റിന് നാളെ പുലർച്ചെ തുടക്കമാകുന്നത്. രാവിലെ 5.30ന് ഇന്റർ മയാമിയും അൽ അഹ്‌ലിയും തമ്മിലുള്ള മത്സരത്തോടെയാണ് ടൂർണമെന്റിന് തുടക്കമാകുന്നത്. ടൂർണമെന്റിൽ ഇന്റർ മയാമി നായകൻ ലയണൽ മെസിയെ കാത്തിരിക്കുന്നത് ഒരു വമ്പൻ നേട്ടമാണ്.

ടൂർണമെന്റിന്റെ ചരിത്രത്തിലെ ഏറ്റവും മികച്ച ഗോൾ വേട്ടക്കാരനാവാനുള്ള അവസരമാണ് മെസിക്കുള്ളത്. മൂന്ന് ഗോളുകൾ കൂടി നേടിയാൽ മെസിക്ക് ഈ റെക്കോർഡ് സ്വന്തമാക്കാൻ സാധിക്കും. ഏഴ് ഗോളുകൾ ഈ ടൂർണമെന്റിൽ നേടിയ ക്രിസ്റ്റ്യാനോ റൊണാൾഡോയാണ് ഈ പട്ടികയിൽ ഒന്നാം സ്ഥാനത്തുള്ളത്. മെസി അഞ്ചു ഗോളുകൾക്കാണ് നേടിയിട്ടുള്ളത്. ഈ സീസണിൽ റൊണാൾഡോ കളിക്കാത്തതിനാൽ മെസിക്ക് ഈ നേട്ടം സ്വന്തമാക്കാൻ സാധിക്കും. കരിം ബെൻസിമ, ഗാരത് ബെയ്ൽ എന്നിവർ ആറ് ഗോളുകളും നേടിയിട്ടുണ്ട്. 

 

ഇത്തവണ പുതിയ രൂപത്തിലും ഭാവത്തിലുമാണ് ക്ലബ് ലോകകപ്പ് ഒരുക്കിയിട്ടുള്ളത്. ഒരുമാസത്തോളം നീണ്ടുനിൽക്കുന്ന ടൂർണമെന്റിൽ ആറ് വൻകരകളിൽനിന്ന് 32 ടീമുകളാണ് പങ്കെടുക്കുന്നത്. അമേരിക്കയിലെ 11 നഗരങ്ങളിലെ 12 വേദികളിലായിട്ടാണ് മത്സരങ്ങൾ. ജൂലായ് 13നാണ് കിരീടപോരാട്ടം. 32 ടീമുകളെ എട്ടു ഗ്രൂപ്പുകളായി തിരിച്ചാണ് മത്സരം. 

ഗ്രൂപ്പിലെ ആദ്യരണ്ട് സ്ഥാനക്കാർ പ്രീക്വാർട്ടറിലെത്തും. 2021 മുതൽ 2024 വരെയുള്ള ക്ലബ് ഫുട്‌ബോളിലെ പ്രകടനത്തിന്റെ അടിസ്ഥാനത്തിൽനിന്നാണ് ആറുടീമുകളെ തിരഞ്ഞെടുത്തത്. യൂറോപ്പിൽനിന്ന് 12 ടീമുകളും തെക്കേ അമേരിക്കയിൽനിന്ന് ആറ് ടീമുകളുമുണ്ട്. ആഫ്രിക്ക, ഏഷ്യ, കോൺകകാഫ് എന്നിവിടങ്ങളിൽനിന്ന് നാലു ടീമുകൾ വീതവും ഓഷ്യാനിയയിൽനിന്ന് ഒരു ടീമും കളിക്കും.

Lionel Messi need three goals to break Cristiano Ronaldo record in FIFA club world cup