ഡൽഹി: അഹമ്മദാബാദ് വിമാന ദുരന്തത്തിൽ മരിച്ചവരുടെ കുടുംബങ്ങൾക്കും രക്ഷപ്പെട്ട യാത്രക്കാരനും അടിയന്തരമായ ധനസഹായമായി 25 ലക്ഷം രൂപ പ്രഖ്യാപിച്ച് ടാറ്റ ഗ്രൂപ്പ്. ആദ്യം പ്രഖ്യാപിച്ച ഒരു കോടി രൂപക്ക് പുറമെയാണ് 25 ലക്ഷം രൂപയുടെ സഹായം പ്രഖ്യാപിച്ചത്.   

വ്യാഴാഴ്ചയാണ് ലണ്ടനിലേക്ക് പറന്നുയർന്ന് മിനിറ്റുകൾക്കുള്ളിൽ എയർ ഇന്ത്യ വിമാനം അഹമ്മദാബാദിലെ ഒരു റെസിഡൻഷ്യൽ ഏരിയയിലുള്ള മെഡിക്കൽ കോളേജ് ഹോസ്റ്റലിൽ ഇടിച്ചുവീഴുകയായിരുന്നു. അപകടത്തിൽ വിമാനത്തിലുണ്ടായിരുന്ന 241 യാത്രക്കാരും പ്രദേസവാസികളായ 29 പേരും മരിച്ചു. ഒരു യാത്രക്കാരൻ മാത്രം അത്ഭുതകരമായി രക്ഷപ്പെട്ടു. ഇന്നലെ വൈകുന്നേരം വരെ തുടർന്ന രക്ഷാപ്രവർത്തനങ്ങളിൽ 25 മൃതദേഹങ്ങൾ കൂടി അവശിഷ്ടങ്ങൾക്കിടയിൽ നിന്ന് കണ്ടെടുത്തതായി അധികൃതർ അറിയിച്ചു.

12 വർഷം പഴക്കമുള്ള ബോയിംഗ് 787 ഡ്രീംലൈനർ വിമാനമാണ് അപകടത്തിൽപ്പെട്ടത്. ലോകമെമ്പാടും ഏകദേശം 1,200 ഡ്രീംലൈനർ വിമാനങ്ങൾ പ്രവർത്തിക്കുന്നുണ്ട്, ഇതാണ് 16 വർഷത്തിനിടെ ഈ മോഡലിന്റെ ആദ്യ മാരക അപകടമെന്ന് വിദഗ്ധർ ചൂണ്ടിക്കാട്ടുന്നു.

Ahmedabad plane crash Tata Group announces Rs 25 lakh as emergency financial assistance