ദുബൈ: ഇറാന്‍-ഇസ്‌റാഈല്‍ സംഘര്‍ഷം മൂലം അര്‍മേനിയ, അസര്‍ബൈജാന്‍, കസാഖ്സ്ഥാന്‍ തുടങ്ങിയ കോമണ്‍വെല്‍ത്ത് ഓഫ് ഇന്‍ഡിപെന്‍ഡന്റ് സ്റ്റേറ്റ്‌സ് (സിഐഎസ്) രാജ്യങ്ങളില്‍ കുടുങ്ങിയ യുഎഇ പ്രവാസികള്‍ക്ക് മടങ്ങാന്‍ ബദല്‍ മാര്‍ഗങ്ങള്‍ക്കായി ആയിരക്കണക്കിന് ദിര്‍ഹം ചെലവഴിക്കേണ്ടി വരുന്നു. പ്രാദേശിക സംഘര്‍ഷങ്ങള്‍ വിമാന റദ്ദാക്കലുകള്‍ക്കും റൂട്ട് മാറ്റങ്ങള്‍ക്കും കാരണമായതിനാല്‍, അവധിക്കാല യാത്രക്കായി ഈ രാജ്യങ്ങളിലേക്ക് പറന്ന സഞ്ചാരികള്‍ നിലവില്‍ രാജ്യത്തേക്ക് മടങ്ങാന്‍ ബുദ്ധിമുട്ടുകയാണ്.

ALSO READ: യുഎഇയിലെ രണ്ട് എമിറേറ്റുകളിൽ സംസം വെള്ളം വിൽക്കുന്ന കടകൾക്ക് വിലക്ക്

കുടുങ്ങിയ കുടുംബങ്ങള്‍

ഷാര്‍ജയിലെ ഫെസിലിറ്റി മാനേജ്‌മെന്റ് പ്രൊഫഷണലായ ലിംനാസ് മുസ്തഫ, അസര്‍ബൈജാനിലെ ബാക്കുവിലേക്കുള്ള യാത്രയില്‍ പ്രതിസന്ധി നേരിട്ടു. 'സ്ഥിതി ഇത്ര വഷളാകുമെന്ന് അറിഞ്ഞിരുന്നെങ്കില്‍ യാത്ര റദ്ദാക്കുമായിരുന്നു,' 1986 മുതല്‍ യുഎഇയില്‍ താമസിക്കുന്ന മുസ്തഫ പറഞ്ഞു. ആറംഗ കുടുംബവുമായി ജൂണ്‍ 12ന് എയര്‍ അറേബ്യ വിമാനത്തില്‍ ബാക്കുവില്‍ എത്തി. എന്നാല്‍, അടുത്ത ദിവസം എയര്‍ ഇന്ത്യ വിമാനം റദ്ദാക്കപ്പെട്ടതോടെ സ്ഥിതി മാറി. 

'എല്ലാ വിമാനങ്ങളും റദ്ദാക്കപ്പെട്ടു. എങ്ങനെ മടങ്ങും?' കോള്‍ സെന്ററുകളില്‍ നിന്നുള്ള നിരാശാജനകമായ മറുപടികളെക്കുറിച്ച് അദ്ദേഹം പറഞ്ഞു. ജൂണ്‍ 15ന് ടര്‍ക്കിഷ് എയര്‍ലൈന്‍സില്‍ പുതിയ ടിക്കറ്റുകള്‍ക്കായി 3,800 ദിര്‍ഹത്തിന് പുറമെ 6,000 ദിര്‍ഹാണ് അദ്ദേഹം അധികമായി ചെലവഴിച്ചത്. 

അപ്രതീക്ഷിത ചെലവുകള്‍

43കാരനായ കമറുദ്ദീന്‍ അറക്കല്‍, ഉസ്‌ബെക്കിസ്ഥാനിലെ താഷ്‌കന്റില്‍ കുടുങ്ങിയ 25കാരനായ മകന്‍ റയാന്റെ മടക്കയാത്രക്കായി 1,000 ഡോളറാണ് (3,670 ദിര്‍ഹം) ചെലവഴിച്ചത്. ഫുട്‌ബോള്‍ ക്യാമ്പിനായി യാത്ര ചെയ്ത റയാന്‍ ജൂണ്‍ 13ന് തിരികെ എത്തേണ്ടിയിരുന്നു. 

'ഇത് ഞങ്ങളെ ഞെട്ടിച്ചു,' ഖത്തര്‍ വഴിയുള്ള ബദല്‍ ടിക്കറ്റിന് 500 ദിര്‍ഹത്തിന്റെ യഥാര്‍ഥ ടിക്കറ്റിനേക്കാള്‍ ഏഴിരട്ടി ചെലവ് വന്നതായി കമറുദ്ദീന്‍ പറഞ്ഞു.

ALSO READ: ഇസ്റാഈൽ-ഇറാൻ വ്യോമാതിർത്തി അടച്ച സാഹചര്യം; നിരവധി സർവിസുകൾ റദ്ദാക്കി പ്രമുഖ വിമാനക്കമ്പനികൾ

ബദല്‍ റൂട്ടുകള്‍

സിഐഎസ് രാജ്യങ്ങളില്‍ നിന്ന് യുഎഇയിലേക്കുള്ള നേരിട്ടുള്ള വിമാനങ്ങള്‍ പരിമിതമായതിനാല്‍, യാത്രക്കാര്‍ ഇസ്താംബുള്‍, ദോഹ തുടങ്ങിയ റൂട്ടുകള്‍ തിരഞ്ഞെടുക്കുന്നതായി മുസാഫിര്‍.കോം സിഒഒ റഹീഷ് ബാബു പറഞ്ഞു. ഈദിന് ശേഷം നിരക്കുകള്‍ കുറഞ്ഞത് കാരണം ഈ രാജ്യങ്ങളിലേക്കുള്ള ഡിമാന്‍ഡ് വര്‍ധിച്ചു. 20ലധികം യാത്രക്കാരാണ് മുസാഫിര്‍ വഴി ബദല്‍ റൂട്ടുകള്‍ ബുക്ക് ചെയ്തത്.

Due to the Iran-Israel conflict, UAE expatriates who traveled to Armenia, Azerbaijan, and Kazakhstan are now dealing with steep return flight costs, paying over AED 1,000 extra for tickets back to the UAE.